اطلاع کے مطابق مسلح افراد نے آج دوپہر بعد برازلو جاگیر کولگام علاقے میں بی جے پی کے لیڈر اور حلقہ انتخاب ہوم شالی بُگ کے انچارج جاوید احمد ڈار ولد عبداللہ ڈار کو گولی مار کر ہلاک کردیا۔
کولگام میں نامعلوم بندوق برداروں نے بی جے پی لیڈر کو گولی ماری
اگرچہ انہیں فوری طور پر اسپتال لے جانے کی کوشش کی گئی تاہم وہ موقع پر ہی دم توڑ گئے۔
پولیس نے اس معاملے کے سلسلے میں کیس درج کرلیا ہے جب کہ سکیورٹی فورسز نے پورے علاقے کو اپنی تحویل میں لیکر حملہ آوروں کی تلاش شروع کردی ہے۔
واضح رہے کہ اس سے قبل بھی عسکریت پسندوں نے بی جے پی کے لیڈر غلام رسول اور ان کی اہلیہ کو بھی گولی مار کر ہلاک کردیا تھا۔
