ضلع پونچھ کی تحصیل منڈی میں نہرو یوا کیندرا پونچھ کی جانب سے آزادی کا امرت مہااتسو کے زیر اہتمام ایک ریلی کا انعقاد کیا گیا۔
ریلی کو نائب تحصیلدار منڈی محمد طیب خان نے ہری جھنڈی دکھا کر روانہ کیا۔ اس دوران بوائز ہائر سیکنڈری اسکول منڈی کے بچے و گرلز ہائیر سکینڈری اسکول منڈی کی بچیوں نے ریلی میں شمولیت کی۔
یوتھ کلب سے منسلک ماحلہ منڈل کے نوجوانوں اور خواتین نے بھی ریلی میں شرکت کی۔ ریلی میں نیشنل یوتھ والنٹیئر منڈی شاہد افضل اور شکیلہ بیگم اس موقع پر موجود رہیں۔
اس دوران یوتھ کلب کے تحصیل صدر منڈی سرفراز احمد نے کہا کہ یہ ریلی تحصیل کمپلیکس منڈی سے مندر بازار منڈی تک نکالی گئی۔
یہ بھی پڑھیں: پونچھ: بچے کی لاش کو قبر سے کیوں نکالا گیا؟
ریلی کا مقصد فٹ انڈیا مومنٹ کے تحت نوجوانوں کو منشیات کی بری لت سے دور کرنا ہے اور ان کو صحیح راہ دکھانا ہے۔
ان کا کہنا تھا کہ فٹ انڈیا مومنٹ کے تحت پورے جموں و کشمیر میں ایسی ریلیوں کا انعقاد کر نوجوانوں کو متاثر کیا جا رہا ہے تاکہ وہ بری راہ چھوڑ کر مین اسٹریم میں شامل ہو جائیں۔ انہوں نے مزید کہا کہ آئندہ بھی انتظامیہ کے حکم کے مطابق ایسی سرگرمیاں سرانجام دی جائیں گی۔
