اننت ناگ: جنوبی کشمیر South Kashmir کے قصبہ اننت ناگ میں جموں و کشمیر اپنی پارٹی کی جانب سے ایک احتجاجی ریلی کا انعقاد کیا گیا جس کی قیادت پارٹی کے ضلع صدر عبدالرحیم راتھر نے کی۔ ریلی میں اپنی پارٹی کے کئی رہنماؤں سمیت کارکنوں کی ایک بڑی تعداد نے شرکت کی۔ ریلی ضلع ترقیاتی کمشنر دفتر سے شروع کی گئی جو لال چوک میں اختتام پذیر ہوئی۔ JK Apni party Holds Rally in Anantnag
ریلی کے دوران احتجاجی نعرے بازی کرتے ہوئے اپنی پارٹی کارکنان قیدیوں کی رہائی، ریاست کا درجہ بحال کرنے، بے روزگار نوجوانوں کو روزگار فراہم کرنے کی مانگ کر رہے تھے۔ Apni party Protest Rally in Anantnag
ریلی سے قبل اپنی پارٹی کے ضلع صدر عبد الرحیم راتھر نے ضلع ترقیاتی کمشنر اننت ناگ بشارت قیوم کو ایک میمورنڈم بھی پیش کیا۔ قابل ذکر ہے کہ جنوبی کشمیر کے کئی اضلاع میں جموں و کشمیر اپنی پارٹی کی جانب سے احتجاجی ریلیوں کا انعقاد عمل میں لایا گیا۔
