ENT Surgical Workshop: جی ایم سی ناگ میں ای این ٹی سرجیکل ورکشاپ

جنوبی کشمیر کے ضلع اننت ناگ کے گورنمنٹ میڈیکل کالج (GMC Anantnag) میں اپنی نوعیت کا پہلا راست ای این ٹی سرجیکل ورکشاپ (ENT Surgical Workshop) کا انعقاد کیا گیا۔

جی ایم سی اننت ناگ میں پہلا راست ورکشاپ میں اینڈسکوپی ای این ٹی سرجیری کا آغاز کیا گیا جس میں پیچیدہ جراحی کو جدید ٹیکنالوجی کے ذریعہ بہ آسانی انجام دینے میں کامیابی حاصل کی گئی۔

تقریب میں جموں کشمیر کے تمام میڈیکل کالجز (Medical Colleges) کے شعبہ، ای این ٹی(ENT) سے بڑے ماہر ڈاکٹروں نے شرکت کی۔

اننت ناگ میڈیکل کالج کے لیکچر ہال میں منعقدہ اس ورکشاپ کو شعبہ،ای این ٹی اور ایچ این ایس کے اشتراک سے منعقد کیا گیا۔

یہ ورکشاپ اپنی نوعیت کا پہلا سرجیکل ورکشاپ (Surgical Workshop) تھا جس کا اہتمام نیویگیٹ کے عنوان سے، اے او آئی ، کشمیر چیپٹر کے زیر اہتمام کیا گیا۔

اس دوران مہمان خصوصی کے طور پر موجود گورنمنٹ میڈیکل کالج سرینگر (GMC Srinagar) کے شعبہ، ای این ٹی کے سربراہ ڈاکٹر رؤف احمد (Dr Rouf Ahmad) کو خراج تحسین پیش کیا گیا اور بہتر کارکردگی کا مظاہرہ کرنے والے ڈاکٹرز کو مبارک باد پیش کی گئی۔

اس موقع پر، گلا، ناک، کان سے جڑی جدید طرز کی جراحی (سرجری) کا راست ڈیمو (Live Demo) پیش کیا گیا۔

اس موقع پر پروفیسر ڈاکٹر رؤف (Professor Dr Rouf) اور ڈاکٹر سجاد ماجد قاضی (Dr Sajad Majid Qazi) نے کہا کہ اب جی ایم سی اننت ناگ سے مریضوں کو سرینگر منتقل کرنے کی ضرورت نہیں ہوگی۔

انہوں نے کہا کہ اس طرح کی ٹیکنالوجی (Technology) سے مریضوں کے پیچیدہ جراحی یہاں پر بہ آسانی انجام دی جائے گی۔