ایس ایس پی اننت ناگ سندیپ چوہدری کی ہدایت پر اننت ناگ پولیس نے منشیات کے خلاف اپنی کاروائی جاری رکھتے ہوئے منشیات فروش کو گرفتار کرکے اس کے قبضے سے ممنوعہ نشیلی و ادویات برآمد کرکے ضبط کی۔
اننت ناگ پولیس نے ناکہ چیکنگ کے دوران بس اسٹینڈ کے نزدیک ایک مشکوک شخص کی تلاشی لی۔
تلاشی کاروائی کے دوران اِن کے قبضے سے چالیس بوتلیں کوڈین فاسفیٹ برآمد ہوئے۔
منشیات فروشوں کو گرفتارکر کے پولیس اسٹیشن صدر اننت ناگ منتقل کر دیا جہاں پر وہ حراست میں ہے۔ان کی شناخت مظفر احمد شیخ ولد محمد یوسف شیخ ساکن سرنل اننت ناگ کے بطور ہوئی ہے۔
اس سلسلے میں کیس درج کر کے مزید تحقیقات شروع کر دی۔
اننت ناگ پولیس کی طرف کمیونٹی ممبران سے گزارش کی ہے کہ وہ اپنے پڑوس میں منشیات فروشوں سے متعلق کسی بھی معلومات کے ساتھ آگے آئیں۔
منشیات کی خریدو فروخت میں ملوث افراد کے خلاف قانون کے مطابق کارروائی کی جائے گی، تاکہ معاشرے کو اس وبا سے پاک و صاف رکھا جائے۔
