کرونا مدت کے دوران ملک کے تقریباً 80 کروڑ راشن کارڈ ہولڈرز کو مفت غذا فراہم کرنے کے لیے شروع کی گئی اسکیم، پردھان منتری غریب کلیان اناج اسکیم (پی ایم جی کے وائی) کو مارچ 2022 تک جاری رکھنے کا فیصلہ کیا گیا ہے۔ مرکزی کابینہ نے پی ایم جی کے وائی اس کو مارچ 2022 تک کی توسیع کے لیے منظوری دے دی ہے۔
واضح رہے پی ایم جی کے وائی کے تحت ہر ماہ پانچ کلو گندم یا چاول کی مفت سکیم کی معیاد 30 نومبر کو پوری ہورہی تھی جسے مرکزی کابینہ نے توسیع کرکے مارچ 2022 تک جاری رکھنے کی منظوری دے دی ہے۔
مزید پڑھیں:
- 'آٹھ کروڑ میں صرف 20.26 لاکھ مزدوروں کو ملا مفت راشن'
- ملک بھر میں پی ایم جی کے اے وائی اسکیم کانفاذ، مستفیدین کو راحت
نیشنل فوڈ سیکیورٹی ایکٹ (این ایف ایس اے) کے تحت پبلک ڈسٹری بیوشن سسٹم (پی ڈی ایس) کے مستفید افراد کو راشن بھی ملتا رہے گا جو سستی نرخوں پر پہلے سے ہی دستیاب ہے۔
واضح رہے کہ رواں برس مارچ میں کورونا کی وبا کے پیش نظر معاشی چیلنجوں سے نمٹنے کے اقدام کے طور پر، وزیر خزانہ نرملا سیتارامن نے فلاحی پیکیج کے تحت پی ایم جی کے وائی کا اعلان کیا تھا۔
ابتدائی طور پر پی ایم جی کے وائی کے تحت ہر راشن کارڈ ہولڈر کو پانچ کلو اناج (گندم / چاول) اور ہر ماہ راشن کارڈ ہولڈر کو ایک کلو دال فراہم کرنے کا انتظام کیا گیا تھا۔ بعد ازاں اس میں پانچ ماہ کا اضافہ کرکے 30 نومبر کردیا گیا تھا۔ تاہم مرکزی کابینہ نے اس میں مزید توسیع ک منظوری دے دی ہے۔
