اترپردیش کے وزیر اعلی یوگی آدتیہ ناتھ نے گزشتہ دنوں انتخابی ریلی میں خطاب کرتے ہوئے گئو کشی کے خلاف ہونے والی کارروائی کا ذکر کرتے ہوئے کہا کہ 'گئو کشی کرنے والے قصائیوں کو سبزی بیچنے پر مجبور کردوں گا۔ Closure of Slaughterhouses in UP
ان کی اس تقریر اور کاروائی سے قریشی سماج نالاں ہیں، آل انڈیا جمعیت القریش کے سکریٹری شہاب الدین کا کہنا ہے گذشتہ پانچ برس میں حکومت کے تحت چلنے والے تقریباً 7 سو سلاٹرز ہاؤس بند ہوئے ہیں، جس سے لاکھوں افراد بے روزگار ہو گئے ہیں اور وزیر اعلیٰ نے ایک خاص ذات کا نام لیکر نازیبا تبصرہ کیا ہے، جس سے پورے سماج کی توہین ہوئی ہے۔ Yogi Adityanath on Slaughterhouse
گئو کشی کرنے والے قصائیوں کو سبزی بیچنے پر مجبور کردوں گا اب سوال یہ اٹھتا ہے کہ حکومت کے ماتحت چلنے والے سلاٹر ہاؤس کیسے غیر قانونی ہوگئے اور ان کو کیوں بند کردیا گیا اور ان کی لائسنس کیوں منسوخ کردی گئی جبکہ ہائی کورٹ نے اپنے فیصلہ میں کہا کہ حکومت اپنے فنڈ سے سلاٹر ہاؤس تعمیر کرائے۔انہوں نے کہا کہ اس سلسلے میں وزیر اعلی یوگی آدتیہ ناتھ سے میٹنگ بھی ہوئی تھی انہوں نے کہا تھا کہ 'ہم دیکھ لیں گے جس کے بعد نوڈل افسر سدھارتھ ناتھ کو بنایا گیا تھا ہائیکورٹ کے حکم آنے کے بعد بھی انہوں نے اس پر کوئی کارروائی نہیں کی اور گذشتہ پانچ برس میں تقریبا 700 سلاٹر ہاؤس بند ہوئے ہیں، جس میں لاکھوں لوگوں کا روزگار ختم ہوا۔ I will Force the Butchers to Sell Vegetables says Yogi
انہوں نے کہا کہ گئو کشی پر اگرچہ حکومت اپنی کامیابی عوام کو بتا رہی ہے، تاہم پوری ریاست میں صرف ایک گوشت جانچنے کا لیب ہے، جس کی وجہ سے ہزاروں بے گناہ افراد قید میں ہیں۔ جس پر کوئی بھی بات چیت نہیں کررہا ہے اور حکومت بھی اس مسئلے پر خاموش ہے۔
