نئی دہلی: مرکزی وزیر داخلہ امت شاہ نے اڈانی-ہنڈن برگ معاملہ میں اپوزیشن کے الزامات پر کہا ہے کہ ان کے لیے اس معاملہ پر کوئی تبصرہ کرنا مناسب نہیں ہوگا کیونکہ سپریم کورٹ نے اس معاملے کا نوٹس لیا ہے لیکن بی جے پی کے لیے چھپانے یا ڈرنے کی کوئی بات نہیں ہے۔ کانگریس کی جانب سے حکومت پر اڈانی گروپ کی حمایت کرنے کا الزام لگانے کے بعد وزیر داخلہ نے یہ ردعمل دیا ہے۔ بتادیں کہ ہنڈن برگ-اڈانی تنازعہ ایک بڑے سیاسی تنازعہ میں تبدیل ہو گیا ہے جس میں کانگریس اور دیگر اپوزیشن پارٹیاں حکومت کے خلاف جانبداری اور کرونی سرمایہ داری کے الزامات لگا رہی ہیں۔ انہوں نے پارلیمنٹ کے بجٹ اجلاس کے دوران مشترکہ پارلیمانی کمیٹی کی تحقیقات کا مطالبہ کرتے ہوئے یہ مسئلہ اٹھایا۔ اپوزیشن جماعتوں نے اس معاملے پر وزیر اعظم نریندر مودی کو بھی نشانہ بنایا ہے۔
-
#WATCH | There is nothing to hide or be afraid of: Union Home Minister Amit Shah in an interview to ANI on Congress’s allegations that Adani being ‘favoured’ by BJP#AmitShahtoANI pic.twitter.com/WXyEAd0524
— ANI (@ANI) February 14, 2023 " class="align-text-top noRightClick twitterSection" data="
">#WATCH | There is nothing to hide or be afraid of: Union Home Minister Amit Shah in an interview to ANI on Congress’s allegations that Adani being ‘favoured’ by BJP#AmitShahtoANI pic.twitter.com/WXyEAd0524
— ANI (@ANI) February 14, 2023#WATCH | There is nothing to hide or be afraid of: Union Home Minister Amit Shah in an interview to ANI on Congress’s allegations that Adani being ‘favoured’ by BJP#AmitShahtoANI pic.twitter.com/WXyEAd0524
— ANI (@ANI) February 14, 2023
خبر رساں ایجنسی اے این آئی سے بات چیت میں انہوں نے کہا کہ نہ تو حکومت اور نہ ہی بی جے پی کے پاس چھپانے کے لیے کچھ ہے اور نہ ہی ڈرنے کی کوئی ضرورت ہے۔ اڈانی معاملے میں کانگریس پارٹی کے اعتراضات پر مرکزی وزیر نے کہا کہ اپوزیشن صرف شور مچانا جانتی ہے۔ اگر اس کے پاس غلط کام کے ثبوت ہیں تو اسے عدالت جانا چاہیے۔ جب وزیر داخلہ سے پوچھا گیا کہ کانگریس بی جے پی پر اڈانی کے ساتھ دوستی کا الزام لگا رہی ہے۔ کانگریس کا الزام ہے کہ اڈانی کو تمام ٹھیکے مل رہے ہیں جبکہ بی جے پی کا دفاع کمزور ہے۔ وزیر داخلہ نے کہا کہ بی جے پی کے پاس اس معاملے میں چھپانے کے لیے کچھ نہیں ہے اور نہ ہی ڈرنے کی کوئی بات ہے۔ انہوں نے کہا کہ ملک کی سپریم کورٹ نے اس سے متعلق ایک معاملے کا نوٹس لیا ہے۔ ایسے میں ملکی کابینہ کا رکن ہونے کے ناطے میرے لیے اس وقت کچھ کہنا درست نہیں ہوگا۔
مزید پڑھیں:۔ What is Hindenburg Research اڈانی پر دھوکہ دہی کا الزام لگانے والی فرم ہندنبرگ کے بارے میں جانیئے
وزیر داخلہ امت شاہ نے کہا کہ سچ کے خلاف ہزاروں سازشیں کرلو تو بھی کچھ نہیں ہوتا ہے بلکہ سچ سورج کی طرح روشن ہوکر باہر نکلتا ہے۔ مودی جی کے خلاف 2002 سے سازش کی جا رہی ہے لیکن ہر بار وہ مضبوط، سچے اور عوام میں زیادہ مقبولیت حاصل کر رہے ہیں۔ واضح رہے کہ ہنڈن برگ ریسرچ کی ایک رپورٹ میں اڈانی گروپ کے حوالے سے اسٹاک میں ہیرا پھیری اور مالی فراڈ کے دعوے کیے گئے تھے۔ اس رپورٹ کے بعد اڈانی گروپ کے شیئرز میں بڑی گراوٹ درج کی گئی ہے۔
