قومی تحقیقاتی ایجنسی کی جانب سے جاری کیے گئے بیان میں کہا گیا ہے کہ گزشتہ روز عسکری کاروائی میں ملوث مزید دو افراد کو چھاپے ماری کے دوران گرفتار کیا گیا ہے۔
گرفتار کئے گئے افراد کی شناخت سرینگر کے رہنے والے اشفاق احمد وانی اور سوپور کے رہنے والے عمر بٹ کے طور پر کی گئی ہے۔
مزید پڑھیں:۔ جماعت اسلامی جموں و کشمیر سے وابستہ افراد کے گھروں پر این آئی اے کی جانب سے چھاپہ ماری جاری
ایجنسی کے مطابق " یہ معاملہ لشکر طیبہ (ایل ای ٹی)، جیش محمد (جے ای ایم)، حزب المجاہدین (ایچ ایم)، البدر اور ان کے کیڈرس ریزسٹنس فرنٹ (ٹی آر ایف) اور پیپل اگینسٹ فاشسٹ فورسز (پی اے ایف ایف) جیسی ملحقہ تنظیمیں کے ذریعہ جموں و کشمیر اور دیگر بڑے شہروں میں پرتشدد عسکریت پسندانہ کارروائیاں کرنے کی سازش سے متعلق ہے۔ "
ایجنسی نے اس حوالے سے رواں ماہ کی 10 تاریخ کو معاملہ (RC 29/2021/NIA/DLI) درج کر کے تحقیقات شروع کی تھی اور اب تک 25 افراد کو گرفتار کیا گیا ہے۔
