اننت ناگ: جموں و کشمیر میں ضلع ترقیاتی کمشنر اننت ناگ ڈاکٹر پیوش سنگلا نے تمام ضلع افسران کے ساتھ ایک میٹنگ منعقد کی۔ اس میٹنگ کا مقصد عوامی فلاح و بہبود کے مختلف اقدامات کے بارے میں بڑے پیمانے پر بیداری سرگرمیاں انجام دینے کے لیے ایک تفصیلی منصوبہ تیار کیا جائے۔
ڈی سی نے اس بات پر زور دیا کہ آنے والے ماہ میں کم از کم 50 فیصد آبادی تک بیداری مہم کو پہچانا لازمی ہے۔
'آپ کی زمین آپ کی نگرانی' کے حوالے سے ڈی سی نے حکومت کی طرف سے کئے گئے۔ اس تاریخی اقدام کی اہمیت اور فوائد کو عام کرنے پر زور دیا۔
انہوں نے تمام تحصیلداروں کو ہدایت دی ہے کہ وہ اپنی تحصیلوں میں پوری آبادی کو دائرے میں لاکر اہداف تیار کریں اور اس کی رپورٹ انہیں پیش کریں۔
ڈاکٹر سنگلا نے کہا کہ عہدیداروں کو اس بات کو یقینی بنانا چاہئے کہ مختلف سرکاری اسکیموں کو عوام کے دائرہ کار میں لایا جائے۔
انہوں نے یہ بھی کہا کہ حکومت بدعنوانی سے پاک اور صاف ستھری انتظامیہ کو یقینی بنانے کے لیے پرعزم ہے اور تمام محکموں کے افسران کو زمینی سطح پر اس پر عمل کرنے کی ضرورت ہے۔
مزید پڑھیں:۔ اننت ناگ: موسم سرما کی تیاریوں کے سلسلے میں تربیتی پروگرام کا انعقاد
محکمہ صحت کو ہدایات دیتے ہوئے ڈی سی نے کہا کہ وہ گولڈن کارڈز کے اجراء کے عمل کو تیز کریں تاکہ اس بات کو یقینی بنایا جا سکے کہ ضلع کے ہر فرد کے پاس گولڈن کارڈ موجود ہو۔
اس موقع پر بجلی، پانی، راشن، صحت و دیگر امور پر گفتگو و شنید کیا گیا اور عوام کو ہر ضروری سہولیات فراہم کرنے پر زور دیا گیا۔
