بین الاقوامی سرحد پر واقع ارنیا علاقے میں ڈرون کی مشکوک نقل و حرکت کی اطلاع ملنے کے بعد بارڈر سیکیورٹی فورس نے ڈرون پر کئی راؤنڈ فائرنگ کی۔
بی ایس ایف حکام کے مطابق اہلکاروں نے ارنیا کے عام علاقے میں صبح 4:10 بجے کے قریب مشکوک ڈرون کی آواز سنی۔
بی ایس ایف حکام نے مزید بتایا کہ بی ایس ایف اہلکاروں نے آواز کی سمت فائرنگ کی۔ پولیس کی مدد سے اب علاقے کو گھیرے میں لے لیا گیا ہے اور تلاشی مہم جاری ہے۔
یہاں یہ بات قابل ذکر ہے کہ 24 فروری کو بین الاقوامی سرحد کے ساتھ جموں کے علاقے میں بھی ڈرون کی نقل و حرکت کی اطلاع ملی تھی، جس کے بعد جموں پولیس کے اسپیشل آپریشن گروپ نے محاصرے اور تلاشی کی کارروائی شروع کی تھی اور ڈرون سے گری ہوئی چیزیں برآمد کی گئی۔
اس میں کئی آئی ای ڈیز اور مشتبہ نیم ٹھوس دھماکہ خیز مواد کی تین بوتلیں اور دیگر جنگی اسٹورز کو ضبط کیا گیا تھا۔
یہ بھی پڑھیں:
