کروز شپ ڈرگس معاملہ میں ملزم آرین خان کی ضمانتی عرضی پر سماعت آج بامبے ہائی کورٹ ہونی تھی، تاہم کورٹ نے سماعت کل تک کے لیے ملتوی کردی ہے۔
بتادیں کہ مجسٹریٹ اور سیشن دونوں عدالتوں کی جانب سے ضمانتی عرضی کی درخواست مسترد کیے جانے کے بعد آرین نے ہائی کورٹ کا رخ کیا ہے۔
واضح رہے کہ منگل کے روز بامبے ہائی کورٹ نے کروز شپ ڈرگ معاملے کے ملزم آرین خان کی ضمانت کی درخواست کی سماعت بدھ تک کے لیے ملتوی کردی تھی۔ تاہم کورٹ نے آج ایک بار پھر سماعت کو کل تک کے لیے ملتوی کردی ہے۔
مجسٹریٹ اور سیشن دونوں عدالتوں کی جانب سے آرین کی درخواست مسترد کیے جانے کے بعد آرین نے ہائی کورٹ کا رخ کیا ہے۔
آرین کی جانب سے عدالت میں سینیئر وکیل اور سابق اٹارنی جنرل مکل روہتگی نے منگل کو اپنی دلیلیں پیش کیں۔
گزشتہ سماعت میں انہوں نے دلیل دیتے ہوئے کہاکہ آرین خان کے پاس سے کوئی منشیات برآمد نہیں ہوئی ہے اور نہ ہی طبی جانچ میں یہ معلوم ہوپایا ہے کہ انہوں نے منشیات کا استعمال کیا تھا۔ انہوں نے مزید کہاکہ واٹس ایپ چیٹ کا کروز ڈرگ پارٹی معاملے سے کوئی تعلق نہیں ہے اور اس بنیاد پر انہیں جیل میں نہیں رکھا جاسکتا ہے۔
انہوں نے یہ بھی کہا ہے کہ آرین کا این سی پی کے لیڈر نواب ملک کے ذریعہ این سی بی کے زونل ڈائریکٹر سمیر وانکھیڑے پر لگائے گئے الزامات اور اس تنازع سے کوئی لینا دینا نہیں ہے۔
