سنی وقف بورڈ کے چیئرمین ظفر احمد فاروقی طویل رخصت پر چلے گئے، چارج عدنان فرخ شاہ کو سونپا گیا

لکھنؤ: اترپردیش سنی وقف بورڈ کے چیئرمین ظفر احمد فاروقی چار ماہ کی چھٹی پر چلے گئے ہیں۔ چھٹی پر جانے سے پہلے انہوں نے اپنے تمام اختیارات بورڈ ممبران کے حوالے کردیے۔ بورڈ چیئرمین ظفر احمد فاروقی نے کہا کہ انہوں نے ذاتی وجوہات کی بنا پر چھٹی لی ہے۔ انہیں روزانہ سفر کرنا پڑتا تھا جس کی وجہ سے بورڈ کا کام متاثر ہورہا تھا۔ ساتھ ہی عدنان فرخ شاہ نے کہا کہ چیئرمین نے تمام اختیارات اراکین کو دے دیے ہیں۔ چیئرمین نے ذاتی مسائل کے باعث چھٹی لی ہے۔ کام کاج میں رکاوٹ نہیں آئے گی۔