نکسلیوں نے تبدیلیٔ مذہب کی مخالفت کے نام پر تشدد کرنے والوں کے خلاف بینر پوسٹر لگائے

بستر: مذہب کی مخالفت کے نام پر گاؤں والوں پر تشدد کرنے والوں کے خلاف نکسلیوں نے مردم تھانہ علاقہ میں بینر پوسٹر لگائے۔ ان پوسٹروں میں کستورپال کے سرپنچ کملو کرتم اور پاراپور کے نائب سرپنچ اوم پرکاش ٹھاکر کا نام لے کر انتباہ دیا گیا۔ نکسلیوں نے سرپنچ اور نائب سرپنچ کو خبردار کیا کہ اگر وہ عیسائی برادری کے لوگوں کو ہراساں کرتے ہیں تو انہیں سنگین نتائج کا سامنا کرنا پڑے گا۔ لوہندی گوڈا علاقہ میں نکسلی بینر لگائے جانے سے علاقہ کے لوگ خوف میں مبتلا ہیں۔ پولیس نے تمام بینرز کو ضبط کرلیا ہے۔