خوف کا ماحول، ایک نوجوان نے گیدڑ کو بھیڑیا سمجھ کر پٹخ پٹخ کر مار ڈالا

سیتاپور: سیتا پور کے سدرور، محمود آباد، لہار پور، مہولی، ساکران اور خیرآباد میں لوگ جنگلی جانوروں سے بے حد خوفزدہ ہیں۔ اسودھن گاؤں میں ایک بھیڑیے نے حملہ کرکے دو خواتین کو زخمی کردیا۔ اس گاؤں کے ہری شنکر مشرا کسی کام سے باہر گئے تھے۔ اس دوران ایک جنگلی جانور نے حملہ کردیا۔ ہری شنکر نے اسے بھیڑیا سمجھ کر پٹخ پٹخ کر مار ڈالا۔ شور سن کر گاؤں والے جمع ہو گئے۔ لوگوں نے ٹارچ کی روشنی میں دیکھا تو پتہ چلا کہ یہ بھیڑیا نہیں گیدڑ ہے۔ زخمی ہری شنکر ہیلتھ سینٹر میں زیر علاج ہے۔