پربھنی، مہاراشٹر: ناندیڑ پولیس کی ایک ٹیم نے بدھ کی رات تشدد سے متاثرہ مہاراشٹر کے پربھنی شہر میں گشت میں اضافہ کر دیا ہے۔ پربھنی میں بدھ کو مبینہ طور پر ایک شرپسند کی جانب سے امبیڈکر کے مجسمے کے پاس رکھی آئین کی نقل کو نقصان پہنچانے اور توڑ پھوڑ کے واقعہ کے بعد شہر میں تشدد پھوٹ پڑا۔
#WATCH | Visuals from central Maharashtra's Parbhani city where violence broke out yesterday over the alleged vandalising of a replica of the Indian Constitution pic.twitter.com/K6flEZngAx
— ANI (@ANI) December 12, 2024
اسپیشل انسپکٹر جنرل، ناندیڑ، شاہجی اماپ نے کہا کہ، صورتحال پرامن ہے۔ انھوں نے مزید کہا کہ، جو لوگ دوپہر میں یہاں جمع ہوئے تھے، انہیں ڈسٹرکٹ مجسٹریٹ کو ایک میمورنڈم دینا تھا، ان لوگوں نے کچھ دکانوں، سی سی ٹی وی کیمروں اور ہورڈنگز کو نقصان پہنچایا۔
پولیس کو حالات پر قابو پانے کے لیے طاقت کا استعمال کرنا پڑا۔ پولیس کے مطابق تقریباً پچاس افراد کو حراست میں لیا گیا ہے، ان کے خلاف مقدمات درج کرنے کا عمل شروع کر دیا گیا ہے۔ پولیس نے دعویٰ کیا ہے کہ، اس واقعے کے ملزم کو بھی گرفتار کر لیا گیا ہے، اور اس کے خلاف مقدمہ درج کر لیا گیا ہے۔ پولیس کے مطابق ملزم زیر علاج ہے کیوں کہ ہجوم نے اس کے ساتھ مار پیٹ کی ہے۔ پولیس کے مطابق ملزم کا دماغی توازن ٹھیک نہیں ہے۔ پولیس نے اس واقعے کو زیادہ اہمیت دیے بغیر سب سے امن قائم رکھنے کی اپیل کی ہے۔ہوں۔
#WATCH | Parbhani, Maharashtra | " this (violence) happened yesterday between 12 and 4 pm. the mob came and started vandalising. police presence was minimal at that time. many shops damaged," says atul, a local resident https://t.co/dcaK7Yapgc pic.twitter.com/FTtR4uYTDe
— ANI (@ANI) December 12, 2024
شیوسینا (یو بی ٹی) کی لیڈر پرینکا چترویدی نے بدھ کے روز مہاراشٹر کے پربھنی میں تشدد پر بی جے پی کی قیادت والی مہایوتی حکومت پر تنقید کی اور کہا کہ حکومت کی ترجیح اقتدار میں رہنا ہے۔
انہوں نے کہا کہ ریاست کے پاس کل وقتی وزیر داخلہ نہیں ہے جو امن و امان کی ذمہ داری رکھتا ہو۔
پرینکا چترویدی نے کہا کہ، یہ ایک انتہائی شرمناک واقعہ ہے، اور جو تشدد ہو رہا ہے وہ افسوسناک ہے۔ آج ہم ایسے حالات میں ہیں کہ حکومت آئین کو نظرانداز کر رہی ہے۔ ابھی ریاست میں کوئی وزیر داخلہ نہیں ہے جس کے پاس قانون اور امن و امان کی ذمہ داری ہو۔
پربھنی کے ضلع مجسٹریٹ رگھوناتھ کھانڈو گاواڈے نے لوگوں سے امن برقرار رکھنے کی اپیل کی۔
انہوں نے کہا، "پولیس انتظامیہ سڑک پر ہے۔ صورتحال قابو میں ہے؛ ہم نے اضافی پولیس کو بلایا ہے۔ میں سب سے امن و سکون برقرار رکھنے کی اپیل کرتا ہوں۔
یہ بھی پڑھیں:
