اورنگ آباد: ریاست مہاراشٹر کے اورنگ آباد میں ونچت بہوجن اگاڑی کی جانب سے مولانا سلمان ازہری کی حمایت میں جلوس کا اہتمام کیا گیا۔ جس میں سینکڑوں لوگوں نے شرکت کی۔ ونچت بہوجن آگاڑی کی جانب سے ڈویژنل کمشنر کو ایک مطالباتی مکتب دیا گیا جس میں مہاراشٹر کے موجودہ حالات پر تشویش کا اظہار کیا گیا۔
مطالبات مکتوب میں کہا گیا ہے کہ مہاراشٹر میں تعصب پسند عناصر اور سیاسی لیڈران گزشتہ دو برسوں سے اپنے بیانات کے ذریعہ مسلمانوں کے خلاف زہر اگل رہے ہیں۔ بالخصوص حیدرآباد کے ٹی راجہ نتیش رانے اور کالی چرن مہاراج جلسہ عام کے دوران کئی مرتبہ مسلمانوں کے خلاف نفرت اور تعصب کا زہر اگل چکے ہیں۔ متنازعہ بیانات کے باوجود ان شر پسندوں کو بھی گرفتار نہیں کیا گیا۔ حالانکہ ان کے خلاف دفعہ 353 کے تحت پولس کیس بھی درج کئے گئے ہیں۔
ونچت بہون اگاڑی کے مطابق عالم دین مولانا سلمان ازہری کے ذریعہ جلسہ میں کی گئی تقریر کو بنیاد بنا کر گجرات اے ٹی ایس مولانا سلمان ازہری کو ممبئی کے گھاٹ کو پر علاقہ سے گرفتار کر کے ساتھ لے گئی۔ مولانا کی اس گرفتاری کی ہم مذمت کرتے ہیں۔ ساتھ ہی مطالبہ کرتے ہیں کہ مولانا موصوف کو رہا کرنے ہائی کورٹ میں ٹرانزٹ ریمانڈ منسوخی کی خاطر اپیل داخل کریں۔
یہ بھی پڑھیں:یکساں سول کوڈ کے خلاف عدالت عظمی کا رخ کریں گے: مسلم پرسنل لاء بورڈ
مہاراشٹر جنرل سیکرٹری طیب ظفر نے کہا ہے کہ جس دن مولانا اظہری کو گجرات اے ٹی ایس نے گرفتار کیا گیا تھا، اسی وقت پرکاش امبیڈکر نے ٹویٹر کے ذریعے ایک ٹویٹ کیا تھا اور کہا تھا کہ یہ گرفتاری غیر قانونی طریقے سے کی جا رہی ہے۔
