بیتول: مدھیہ پردیش میں قبائلیوں کے خلاف مظالم کے واقعات رکنے کے آثار نہیں دکھا رہے ہیں۔ تازہ معاملہ بیتول سے سامنے آیا ہے۔ جہاں ایک قبائلی نوجوان کو برہنہ کرکے الٹا لٹکایا گیا اور بیلٹ اور ڈنڈوں سے مارا پیٹا گیا۔ ملزم نے واقعے کا ویڈیو بھی بنایا جو اب وائرل ہو رہا ہے۔ واقعے کے تین مہینے کے بعد نوجوان تھانے پہنچا اور مقدمہ درج کرایا۔ شکایت کی بنیاد پر پولیس نے مقدمہ درج کر کے ملزمان کی تلاش شروع کر دی ہے۔
- ویڈیو تین ماہ پرانا
15 نومبر کو رنکیش چوہان نام کے نوجوان کو متاثرہ کو بیتول لایا تھا، جہاں وہ اسے بیتول کے ایک مکان میں لے گیا، گھر میں 6-7 لوگ موجود تھے۔ انہوں نے اس کو برہنہ کر کے چھت پر الٹا لٹکا دیا۔ اس کے بعد انہوں نے اسے بیلٹ اور ڈنڈوں سے مارا پیٹا اور پھر چھوڑ دیا۔ اس نے مار پیٹ کی شکایت نہیں کی کیونکہ جن لوگوں نے اسے مارا پیٹا تھا، وہ بدمعاش لوگ تھے، اور متاثرہ نوجوان ان لوگوں سے خوفزدہ تھا۔ لیکن اس واقعے کا ویڈیو وائرل ہونے کے بعد متاثرہ نوجوان نے ہمت کر کے اپنے بھائی کے ساتھ تھانے جا کر اس معاملے کی شکایت درج کرائی۔
- ملزم کے خلاف مقدمہ درج
بیتول کے ایس پی سدھارتھ چودھری نے کہا کہ ایک ویڈیو سامنے آیا تھا جس میں ایک نوجوان کو برہنہ کرکے الٹا لٹکایا گیا اور مارا پیٹا گیا۔ پولیس نے ملزم کے خلاف مقدمہ درج کر لیا ہے۔ ویڈیو تقریباً تین ماہ پرانا ہے۔ ملزمان کی تلاش جاری ہے۔ پولیس ملزم کو جلد گرفتار کر لے گی۔
