اجمیر: ملک میں این ڈی اے حکومت کے سامنے مضبوط اپوزیشن جماعتوں کو عوام کی مکمل حمایت حاصل ہے۔ ملک کی مختلف ریاستوں میں مسلمانوں پر ظلم اور ہجومی تشدد کا سلسلہ اب بھی تھمنے کا نام نہیں لے رہا ہے یہ باتیں اجمیر شریف درگاہ کے گدی نشین سید سرور چشتی نے کہی ۔
ہجومی تشدد اور مسلمانوں پر جاری حملے کے حوالے سےراہل گاندھی اور اکھلیش یادو پر تنقید (etv bharat)
سرور چشتی نے راہل گاندھی اور اکھلیش پر طنز کرتے ہوئے کہا ہے کہ 4 جون کے بعد سے ان دونوں لیڈروں نے مسلمانوں پر ہونے والے ہجومی تشدد اور ظلم پر ابھی تک کیوں نہیں کچھ کہا۔ ملک کے آئین کو بچانے کے لیے اقلیتوں نے بہت سنجیدگی سے اپنے ووٹ کا استعمال کیا ہے۔ مختلف پارٹیوں پر مبنی انڈیا اتحاد کو بھاری تعداد میں ووٹ دیا گیا ہے۔
