ممبئی: اداکارہ سوارا بھاسکر کے 2024 کے مہاراشٹر اسمبلی انتخابات میں حصہ لینے کا امکان ہے۔ ذرائع نے بتایا کہ سوارا بھاسکر ممبرا کلوا حلقہ سے سماج وادی پارٹی (ایس پی) کے ٹکٹ پر آئندہ اسمبلی انتخابات لڑ سکتی ہیں۔ سوارا بھاسکر بالی ووڈ کی فلمیں 'تنو ویڈس منو' اور 'پریم رتن دھن پایو' میں اپنے کرداروں کے لیے جانی جاتی ہیں۔
مہاراشٹر سماج وادی پارٹی کے سربراہ اور رکن اسمبلی ابو عاصم اعظمی نے اس بارے میں اشارہ دیا۔ اس وقت سینئر نیشنلسٹ کانگریس پارٹی (شرد چندر پوار) لیڈر جتیندر اواد تھانے ضلع کے کلوا ممبرا حلقہ سے رکن اسمبلی ہیں۔ تاہم سوارا بھاسکر کے شوہر اور ایس پی لیڈر فہد احمد نے کہا کہ "میں اس بارے میں ابھی کچھ نہیں کہہ سکتا، میں پارٹی صدر (اکھلیش یادو) کے حکم پر عمل کروں گا۔
سماج وادی پارٹی کے یوتھ ونگ کے صدر فہد احمد نے کہا کہ "میں اس حلقے سے الیکشن لڑوں گا جہاں سے میری پارٹی کے ریاستی صدر مجھے الیکشن لڑنے کے لیے کہیں گے۔ میں اس کے لیے پوری طرح تیار ہوں۔ میری بیوی سوارا فی الحال سیاست میں نہیں ہے۔ اس لیے میں ابھی ان کے بارے میں کچھ نہیں کہہ سکتا"۔
مہاراشٹر میں ایس پی مہا وکاس اگھاڑی کے ساتھ ہے۔ دہلی میں پیدا ہونے والی 36 سالہ سوارا بھاسکر سماجی اور سیاسی معاملات پر مسلسل اپنی رائے کا اظہار کرتی ہیں۔ دریں اثناء ابو اعظمی نے مطالبہ کیا ہے کہ ایس پی کو اس سیٹ الاٹمنٹ میں اس کا جائز حصہ ملنا چاہئے اور اگر ایسا نہیں ہوتا ہے تو اگر مناسب حلقے نہیں ملتے ہیں تو ایس پی اپنے طور پر الیکشن لڑے گی۔
ذرائع نے بتایا کہ سوارا بھاسکر اور فہد احمد ممبرا کلوا اسمبلی حلقہ کا دورہ کر رہے ہیں۔ فی الحال ایس پی کے دو اراکین اسمبلی مانکھورد شیواجی نگر حلقہ سے ابو اعظمی اور بھیونڈی مشرقی حلقہ سے رئیس شیخ ہیں۔
