پلوامہ: حکومت مزدوروں کو فائدہ پہنچانے کے لیے جدید ٹیکنالوجی کی تربیت اور پی ایم وشوکرما اسکیم کے تحت جدید ٹول کٹس فراہم کررہی ہے۔ پلوامہ میں حکومت اور انتظامیہ مزدوروں کو فائدہ پہنچانے کے لیے زمینی سطح پر کام کر رہے ہیں۔
اس کے تحت کہکشاں انجم اسٹیٹ انگیجمنٹ آفیسر برائے نیشنل سکل ڈیولپمنٹ کارپوریشن، وزارت سکل ڈیولپمنٹ حکومت ہند نے ابتدائی معلومات فراہم کرنے کے لیے انڈسٹریل اسٹیٹ کا دورہ کیا تاکہ وہ مرکزی اسپانسرڈ اسکیموں سے مستفید ہوسکیں۔
اس سلسلے میں کولڈ اسٹوریج کے مالک محمد شعبان نے میڈیا سے بات چیت کرتے ہوئے کہا کہ ہم بھی چاہتے ہے کہ مزدوروں کو زیادہ سے زیادہ فاعدہ ہو جس کے لئے ہم محمکہ کے ساتھ بھرپور تعاون کرنے کے لئے تیار ہیں۔
نیشنل اسکل ڈیولپمنٹ کارپوریشن کے اسٹیٹ انگیجمنٹ آفیسر کہکشاں انجم نے کہا کہ حکومت ہنر مند اور غیر ہنر مند مزدوروں کی مدد کے لیے بہت محنت کر رہی ہے۔ اس کے لیے کئی مرکزی اسپانسرڈ اسکیمیں شروع کی گئی ہیں اور اسکیموں سے آگاہی ضروری ہے۔اس کے لیے افسران مختلف علاقوں کا دورہ کر رہے ہیں۔
یہ بھی پڑھیں:سڈکو انڈسٹریل اسٹیٹ پلوامہ میں بیداری پروگرام منعقد
انہوں نے کہا کہ محکمہ انڈسٹریل اسٹیٹ آئی جی سی لاسی پورہ کی تمام مزدروں کو بنیادی تربیت اور ٹول کٹس فراہم کرے گا اور جموں و کشمیر میں اسکیم کو 100 فیصد پورا کرنے کی کوشش کرے گا۔
