حیدرآباد: آندھرا پردیش کے ضلع نیلور کے مسونورو ٹول پلازہ پر ہفتہ کی صبح دو ٹرکوں اور ایک پرائیویٹ بس کے درمیان زبردست ٹکر ہوئی ہے۔ اس سڑک حادثے میں چھ افراد کی موت ہو گئی اور 20 سے زیادہ افراد زخمی ہو گئے ہیں ۔ پولیس نے کہا ہے کہ یہ حادثہ آج رات دیر گئے 2 بجے کے قریب اس وقت پیش آیا جب ایک ٹرک جو دو بیلوں کو لے کر سریکالہستی جا رہا تھا، پیچھے سے لوہے سے لدے دوسرے ٹرک سے ٹکرا گیا۔
کاوالی کے سب ڈویژنل پولیس افسر وینکٹا رمنا نے اس حادثے پر رد عمل کا اظہار کرتے ہوئے کہا ہے کہ "لوہے سے لدے ٹرک کے ڈرائیور نے گاڑی پر کنٹرول کھو دیا اور مخالف سمت سے آنے والی پرائیویٹ بس کو ٹکر مار دی۔" اس سڑک حادثے میں چار لوگوں کی موقع پر ہی موت ہو گئی۔ حادثے میں زخمی افراد کو فی الفور نیلور کے سرکاری ہاسپٹل منتقل کیا گیا۔ انہوں نے بتایا کہ نیلور کے سرکاری ہسپتال میں دو افراد کی علاج کے دوران موت ہو گئی۔ اس ضمن میں ایک مقدمہ درج کر لیا گیا ہے۔
مزید پڑھیں: رامپور ہاٹ میں دلدوز سڑک حادثہ، چار ہلاک،11زخمی
مزید پڑھیں: سٹرک حادثات میں انسانی جانوں کے زیاں پر میرواعظ کا دکھ
واضح رہے کہ ملک بھر میں تیز رفتاری، لاپرواہی اور نشہ کی حالت میں گاڑیاں چلانے کے باعث سڑک حادثات پیش اتے ہیں۔ جن میں کئی قیمتی جانیں ضائع ہوتی ہیں۔ حالانکہ حکومت کی جانب سے آئے دن سڑک حادثات سے بچنے کے لئے شعور بیداری پروگرامس منعقد کیے جاتے ہیں۔
