گریٹر نوئیڈا:ریاست اتر پردیش کے گریٹر نوئیڈا میں پانی کی قلت نے لوگوں کو پریشان کر دیا ہے۔ حالات ایسے نظر ارہے ہیں جیسے لوگ جھکی جھوپڑیوں میں پانی کے لیے بھاگتے اور لائن لگاتے رہے ہیں۔ پنچشیل ہنیش سوسائٹی میں پانی کی کمی کی وجہ سے 1400 خاندان شدید بحران کا شکار ہیں۔ انہوں نے کبھی خوابوں میں بھی نہیں سوچا ہو گا کہ انہیں اس طرح پانیوں کے لیے قطار میں کھڑا ہونا پڑے گا یہ ہے اتر پردیش کا نوئڈا گریٹر نوئیڈا جسے جدید ترین شہر کا خطاب ملا ہوا ہے۔
سوسائٹی کے رہائشی نے کہا کہ شدید گرمی کے درمیان پانی کے مسئلہ کی کوئی شنوائی نہیں ہو رہی ہے۔ لوگوں نے سوسائٹی میں زیر زمین پانی کے ٹینک میں چھوڑے گئے پانی سے انتظام کیا لیکن استعمال بڑھنے سے پانی ختم ہو گیا۔ لوگوں کا کہنا تھا کہ ٹینکروں کے ذریعے پانی کی سپلائی مکمل نہیں ہوئی۔ گریٹر نوئیڈا اتھارٹی اور انتظامیہ پانی کے ٹینکر بھی منگوا رہی ہے، لیکن پانی اوپر والے فلیٹ تک نہیں پہنچ رہا ہے۔ پینے کا پانی بھی باہر سے لینا پڑتا ہے۔
سوسائٹی میں پانی کی سپلائی فلیٹ تک نہ پہنچنے سے لوگ پریشان ہیں۔ صبح سے ہی لوگ ہاتھوں میں بالٹیاں، بوتلیں اور برتن لیے ادھر ادھر بھٹکتے نظر آئے۔ پینے کے لیے ٹھنڈے پانی کی تلاش میں لوگ گارڈ روم کے قریب نصب واٹر کولر سے پانی لینے آئے۔ کچھ لوگوں نے پارک میں نصب پمپ سے پانی بھر کر کام چلایا۔ اس کے بعد بلڈر انتظامیہ کی طرف سے منگوائے گئے پانی کے ٹینکر ہر ٹاور کے نیچے کھڑے کر دیے گئے۔ جس کی وجہ سے لوگ بالٹیوں سے پانی اپنے فلیٹوں میں لے گئے۔
یہ بھی پڑھیں:دہلی میں پانی کی قلت کے خلاف خواتین کا مٹکا پھوڑ احتجاج
بتایا گیا کہ اتھارٹی نے 15 واٹر ٹینکرز سوسائٹی کو بھیجے۔ ان کے ذریعے زیر زمین ٹینک بھرے گئے لیکن یہ پانی گھروں تک نہیں پہنچا۔ موٹر میں کچھ خرابی کی وجہ سے پانی کا پریشر ٹھیک نہیں آ رہا ہے۔ ایسے میں زیر زمین پانی کے ٹینک سے پانی صرف چند ٹاورز میں گراؤنڈ فلور تک پہنچ رہا ہے۔ پانی کے مسئلہ کے درمیان مکینوں نے اے او اے کے خلاف غصے کا اظہار کیا ہے۔ لوگوں کا کہنا ہے کہ اے او اے پانی کے مسئلہ کے درمیان بھی سیاست کر رہی ہے۔
