مظفر نگر: متحدہ کسان محاز کی کال پر آج راجدھانی دہلی کو دیگر ریاستوں سے جوڑنے والی تمام قومی شاہراہوں پر ٹریکٹروں کی ایک بڑی چین بنائی جائے گی۔ اس انوکھے مظاہرے کی جانکاری دیتے ہوئے بھارتیہ کسان یونین کے قومی ترجمان چودھری راکیش ٹکیت نے بتایا کہ یہ متحدہ کسان محاز کے احتجاج کا اپنا طریقہ ہے۔
ای ٹی وی بھارت کے ساتھ بات کرتے ہوئے چودھری راکیش ٹکیت نے کہا کہ آج ٹریکٹر کی ایک لمبی چین بنانے کا پروگرام رکھا گیا ہے، جہاں دہلی سے جڑنے والے تمام ہائوے جن میں ہریدوار، مظفر نگر، میرٹھ اور دہلی ہائی وے پر ٹریکٹروں کی ایک لمبی چین بنائی جائے گی۔
انہوں نے مزید کہا کہ اسی طرح مرادآباد سے امروہہ اور غازی آباد تک ہائی وے پر ٹریکٹر ہوں گے۔ مزید ہریانہ میں بھی روہتک روڈ پر ٹریکٹر کی چین بنائی جائے گی۔ غور طلب ہو چودھری راکیش ٹکیت نے کہا کہ یہ پروگرام ایک نئے انداز میں احتجاج کے لیے بنایا گیا ہے تاکہ حکومت کسانوں کی بات سننے پر عمل کر سکے، کسان لفظ حکومت کے ذہن سے نہ نکلے۔
یہ بھی پڑھیں:
- سنیکت کسان مورچہ 26 فروری کو ٹریکٹر مارچ نکالے گا، 14 مارچ کو دہلی میں مہاپنچایت ہوگی
- مظفرنگر: کسان رہنما راکیش ٹکیت کی دہلی گھیراؤ کی وارننگ
چودھری راکیش ٹکیت نے کہا کہ اسی لیے ہم ایسے پروگرام کر رہے ہیں۔ واضح رہے کہ آنے والے 14 مارچ کو دہلی میں متحدہ کسان محاز کی کال پر ایک دن کے لیے کسان احتجاجی مظاہرہ کریں گے۔
