دہلی: لوک سبھا میں قائد حزب اختلاف و کانگریس کے رکن پارلیمنٹ راہل گاندھی نے جمعرات کو دہلی کے جی ٹی بی نگر میں مزدوروں سے ملاقات کی۔ اس دوران راہل گاندھی کو مزدوروں کے ساتھ زمین پر بیٹھ کر ان کے مسائل سے واقفیت حاصل کرتے ہوئے دیکھا گیا۔ اس موقع پر راہل گاندھی کو الگ الگ انداز میں بھی دیکھا گیا۔
आज नेता विपक्ष श्री @RahulGandhi ने दिल्ली के GTB नगर में श्रमिकों से मुलाकात कर उनकी समस्याएं सुनीं।
— Congress (@INCIndia) July 4, 2024
ये मेहनती मजदूर हिंदुस्तान की अर्थव्यवस्था की रीढ़ हैं।
इनके जीवन को सरल और भविष्य को सुरक्षित करना हमारी जिम्मेदारी है।
📍 नई दिल्ली pic.twitter.com/MZ1Wea7jAW
راہل گاندھی نے مزدوروں کے ساتھ ملکر تعمیرات کا کام بھی کیا۔ انہوں نے پھاؤڑے کی مدد سے سیمنٹ اٹھائی اور دیگر تعمیراتی کام کرتے ہوئے بھی راہل کو دیکھا گیا۔ کانگریس کے ایکس ہینڈل پر راہل کی مزدوروں سے ملاقات کی تصاویر شیئر کی گئیں اور کیپشن میں لکھا کہ ’یہ محنتی مزدور ہندوستان کی معیشت میں ریڑھ کی ہڈی کی حیثیت رکھتے ہیں۔ ان کی زندگیوں کو آسان بنانا اور ان کے مستقبل کو محفوظ بنانا ہماری ذمہ داری ہے‘۔
یہ پہلا موقع نہیں ہے کہ راہل گاندھی اچانک عام لوگوں کے درمیان پہنچے ہوں۔ گذشتہ سال ستمبر کے مہینہ میں وہ دہلی کے فرنیچر بازار پہنچے تھے، جہاں وہ فرنیچر بنانے والے مزدوروں سے ملاقات کی تھی۔ اس دوران انہوں نے فرنیچر بنانے میں بھی ان کا ہاتھ بٹایا تھا اور بڑھائیوں کی خوب تعریف کی تھی۔
