دہلی: دہلی کے وزیر اعلی اروند کیجریوال کی گرفتاری کے بعد عآپ آدمی پارٹی کے رہنماؤں اور کارکنوں میں زبردست غصہ دیکھا جا رہا ہے۔ ان کا غصہ ہر طرف احتجاج کی صورت میں دیکھا جا رہا ہے۔ پارٹی کارکنان کیجریوال کی رہائی کا پرزور مطالبہ کر رہے ہیں۔ اسی سلسلے میں رتلہ اسمبلی میں مرکز کی مودی حکومت کے خلاف عآپ آدمی پارٹی کے کارکنوں کا غصہ بھڑک اٹھا اور تمام کارکنان سڑکوں پر نکل آئے، جس کے بعد کارکنوں نے نعرے بازی کی۔
وزیر اعلی اروند کیجریوال کی گرفتاری کے خلاف عآپ آدمی پارٹی اب سڑکوں پر آ گئی ہے۔ AAP کارکنان سڑکوں پر آکر مودی حکومت کے خلاف اپنے غصے کا اظہار کر رہے ہیں۔ اتوار کو عام آدمی پارٹی کے کارکنان سڑکوں پر نکل آئے اور دہلی کی تمام 70 اسمبلیوں میں مودی حکومت کے خلاف احتجاج کیا۔ دہلی کی رتلہ اسمبلی میں بھی عآپ کے ایم ایل اے مہندر گوئل کی قیادت میں بڑی تعداد میں عآپ کارکنوں نے سڑکوں پر بینر اور پوسٹر اٹھا کر اور نعرے لگا کر اپنے احتجاج کا اظہار کیا۔
آپ پارٹی کے اس مظاہرے میں خواتین کارکنوں کی بڑی تعداد نے بھی شرکت کی۔ ایم ایل اے کے دفتر سے شروع ہونے والا یہ احتجاج مختلف گلیوں اور چوراہوں سے ہوتا ہوا وجے وہار پولیس اسٹیشن پہنچا، جہاں عآپ کارکنوں نے مرکز کی مودی حکومت کے خلاف نعرے لگائے۔ اس کے بعد مارچ واپس عآپ دفتر پر ختم ہوا۔ اس دوران پی ایم مودی کا پتلا بھی نزر آتش کیا گیا۔ عآپ کارکنوں کے اس احتجاج کے دوران پولیس اور عآپ کارکنوں کے درمیان جھڑپ بھی دیکھنے میں آئی۔ جہاں پولیس نے احتجاج کرنے والے کارکنوں کو حراست میں لے لیا۔ تاہم پولیس نے کچھ دیر بعد عآپ کارکنوں کو رہا کردیا۔ اب دیکھنا یہ ہے کہ عآپ کارکنوں کا یہ مظاہرہ کب تک جاری رہے گا۔
- اندرلوک دہلی میں عآپ کا احتجاج
