سنبھل: ریاست اتر پردیش کے سنبھل سمیت تمام اضلاع میں محرم الحرام کے موقعے پر روایتی جلسہ و جلوس کے اہتمام کا سلسلہ جاری ہے۔ سرسی میں عالم مبارک اور ذوالجناح کے جلوس کا اہتمام کیا گیا۔
اس موقعے پر سنبھل میں مجلس کا بھی اہتمام کیا گیا۔ اس دوران عالم دین نے کہا کہ کربلا ہمیں انسانیت کا پیغام دیتی ہے۔ ہمیں غریبوں کی مدد کرنی چاہیے۔ والدین کے ساتھ بہترین سلوک کرنا چاہیے۔ ان سے کبھی اونچی آواز میں بات نہیں کرنی چاہیے۔ کربلا نے ہمیں ہر رشتے کی اہمیت سکھائی ہے۔
انہوں نے کہاکہ مجلس کے بعد محلہ دلان میں محمد شفیق دالانی کے عزا خانہ سے عالم مبارک کا جلوس برآمد جس میں انجمن محافظ عزا، انجمن حسینی، انجمن شمیم امام اور انجمن فیض پنجیتانی نے نوحہ خوانی اور سینا جانی کے جلوس کی قیادت کی اور عزا خانہ دلان میں اختتام پذیر ہوا۔
یہ بھی پڑھیں: اجمیر میں محرم الحرام کے موقعے پر مرثیہ خوانی کی تاریخ برسوں پرانی
دوسری جانب محلہ شرقی میں سردار حسین عرف بندو کے گھر پر منعقدہ مجلس میں مرثیہ اسد عباس اور ان کے ساتھیوں نے مجلس سے خطاب کیا، مجلس کے بعد شب ذوالجناح کا جلوس انعقاد عمل میں آیا جس میں انجمن ذوالفقار حیدری، انجمن گلدستے حیدری، انجمن ہاشمی، انجمن حیدری، انجمن پنجیتانی، انجمن دلدار حسینی، انجمن کارواں حسینی، انجمن سفینہ عزا اور انجمن میثم آجا نوحہ پڑھ کر ماتم داری کرتے ہوئے اختتام پذیر ہوا۔
