نئی دہلی : دہلی کے کرول باغ میں ایک افسوسناک واقعہ پیش آیا، باپا نگر میں دو منزلہ رہائشی عمارت کا ایک حصہ منہدم ہوگیا جس کی وجہ سے متعدد لوگ ملبہ میں پھنس گئے۔ اب تک کم از کم 12 افراد کو بچا لیا گیا ہے تاہم حکام نے ملبے میں مزید لوگوں کے پھنسے ہونے کا خدشہ ظاہر کیا ہے۔
پولیس افسر نے اس بات کی تصدیق کی ہے کہ ابھی تک کسی کے ہلاک ہونے کی کوئی اطلاع نہیں ہے جبکہ دہلی فائر سروس، پولیس اور نیشنل ڈیزاسٹر ریسپانس فورس کے اہلکاروں کی جانب سے راحت اور بچاؤ کا کام جاری ہے۔ تفصیلات کے مطابق آج صبح 9.11 بجے اس واقعہ کی اطلاع ملنے پر دہلی فائر سرویسس نے پانچ فائر ٹینڈرز کو موقع پر بھیجا۔
#UPDATE | Rescue operation underway after a house collapsed in Karol Bagh area of Delhi. 7 persons have been rescued so far.
— ANI (@ANI) September 18, 2024
It is feared that some more may be trapped. Local police along with other agencies are carrying out rescue operations: Delhi PoIice pic.twitter.com/pNHNDnA5p2
دہلی میں شدید بارش کا سلسلہ جاری ہے، اس دوران دو منزلہ عمارت کا ایک حصہ اچانک منہدم ہوگیا۔ دہلی پولیس کے اہلکاروں سمیت ریسکیو ٹیمیں جائے وقوعہ پر پہنچ گئی ہیں اور فی الحال بچاؤ آپریشن جاری ہے۔
करोल बाग इलाक़े में मकान गिरने का ये हादसा बेहद दुखद है। मैंने ज़िलाअधिकारी को आदेश दिए हैं कि वहां रहने वाले लोगों और पीड़ितों की हर संभव मदद करें, कोई घायल है तो उसका इलाज कराएँ और इस हादसे के कारणों का पता लगाएँ। हादसे को लेकर निगम मेयर से भी बात हुई हैं।
— Atishi (@AtishiAAP) September 18, 2024
इस साल बहुत बारिश… https://t.co/CfnLlIb6hx
دہلی کی وزیراعلیٰ آتشی نے کرول باغ حادثہ پر غم کا اظہار کیا ہے۔ انہوں نے ایکس پر لکھا ہے کہ 'کرول باغ علاقے میں مکان گرنے کا یہ واقعہ انتہائی افسوسناک ہے۔ میں نے ڈسٹرکٹ مجسٹریٹ کو حکم دیا ہے کہ وہ وہاں رہنے والے لوگوں اور متاثرین کو ہر ممکن مدد فراہم کریں، اگر کوئی زخمی ہو تو اس کا علاج کرایا جائے اور اس حادثے کی وجوہات معلوم کی جائیں۔ حادثے کے حوالے سے کارپوریشن کے میئر سے بھی بات چیت ہوئی ہے۔ اس سال بہت بارش ہوئی ہے، دہلی کے تمام لوگوں سے میری اپیل ہے کہ اگر تعمیرات سے متعلق کسی بھی حادثے کا اندیشہ ہے تو فوراً انتظامیہ اور کارپوریشن کو بتائیں، حکومت آپ کی فوری مدد کرے گی‘۔
یہ بھی پڑھیں: میرٹھ میں تین منزلہ عمارت منہدم، ایک ہی خاندان کے تین افراد جاں بحق، سات لوگ اب بھی ملبے کے نیچے - Building Collapsed Meerut
کرول باغ کے بابا نگر میں ایک مکان کا کچھ حصہ منہدم ہونے کے بعد علاقے میں افراتفری مچ گئی۔ جائے حادثہ پر ریسکیو آپریشن جاری ہے۔ تاہم کسی جانی نقصان کی کوئی خبر نہیں ہے۔ جائے حادثہ پر افراتفری کا ماحول ہے، مقامی لوگ بھی امدادی کاموں میں مدد کرتے نظر آرہے ہیں۔
