ممبئی: ریاست مہاراشٹر کے ممبئی سمیت مختلف اضلاع میں موسلا دھار بارش کا سلسلہ جاری ہے۔بارش نے ایک بار پھر ملک کی صنعتی دارلحکومت ممبئی کی رفتار کو ایک جھٹکے میں روک دیا۔ ممبئی کے ملاڈ سمیت بیشتر علاقوں میں بارش کا پانی جما ہونے کے سبب عام لوگوں کو بڑی دشواروں کا سامنا کرنا پڑ رہا ہے۔
بارش کے سبب گاڑیوں کی آمدورفت بھی پوری طرح سے متاثر ہوئی ہے۔ اس کے ساتھ ساتھ بارش کے باعث ممبئی کی لائف لائن کہلانے والی لوکل ٹرین کی خدمات بھی پوری طرح سے متاثر ہوئی ہے۔ ممبئی کارشیڈ میں اب بھی بارش کا پانی جما ہوا ہے۔
ذرائع کے مطابق ملاڈ علاقے میں صبح پانچ بجے موسلادھار بارش کی وجہ سے کار ملاڈ سب وے میں پھنس گئی۔ علاقہ کے لوگوں کی مدد سے ڈرائیور کو باہر نکالا گیا۔ تقریباً 8 گھنٹے بعد جب بارش رکی تو مقامی شہریوں کی مدد سے گاڑی کو باہر نکالا گیا۔
غور طلب ہے کہ 2019 میں ایک اسکارپیو کار اسی سب وے میں پھنس گئی تھی جس میں دو لوگوں کی موت ہو گئی تھی۔ اس بار ڈرائیور بروقت گاڑی سے نکلنے میں کامیاب ہوگیا۔
یہ بھی پڑھیں:مسلسل بارش کے باعث احمد آباد میں نکاسی نظام کی پول کھول گئی
واضح رہے کہ جولائی 2004 میں ممبئی میں شدید بارشوں سے سب سے زیادہ نقصان ہوا تھا۔ 26 جولائی کو 24 گھنٹوں کے اندر 900 ملی میٹر سے زیادہ پانی کی بارش ہوئی۔ وہاں اتنی ہی بارش ہوئی جتنی پورے جولائی میں ہوئی تھی۔ جس کی وجہ سے شہر کی سڑکیں بند ہو گئیں۔ بسیں، ٹرینیں اور ہوائی جہاز رک گئے۔ اس دوران پانی میں پھنسنے یا ڈوبنے سے 1094 جانیں گئی تھیں جبکہ تقریباً 500 کروڑ روپے کا نقصان ہوا۔
