میرٹھ:ملک کی دوسری ریاستوں کی طرح اتر پردیش کے میرٹھ ضلع کے ساتھ ساتھ تمام اضلاع میں سیاسی گہماگہمی عروج پر پہنچ چکی ہے۔سیاسی پارٹیوں کے ساتھ ساتھ غیر سیاسی جماعتوں کی جانب سے جلسہ و جلوسوں کے اہتمام کا سلسلہ جا ری ہے۔ اسی درمیان میرٹھ میں پسماندہ مسلم سماج کے عنوان پر ایک منڈلی سیمنار کا انعقاد کیا گیا۔
پسماندہ مسلم سماج سماجوادی پارٹی کے قومی صدر انیس منصوری نے جلسے کو خطاب کرتے ہوئے کہا کہ گزشتہ سولہ برسوں سے پسماندہ لوگوں کے حق میں اپنی آواز بلند کر رہے ہیں۔پسماندہ مسلم سماج کے لوگوں کی پریشانیوں کو دور کرنے کی کوشش کی جا رہی ہے۔لیکن ہمیں سیاسی جماعتوں کی جانب سے کوئی مدد نہیں ملی۔
انہوں نے کہاکہ سیاسی جماعتوں نے پسماندہ سماج کے لوگوں کا استحصال کیا ہے۔ان جماعتوں نے ہمیں صرف ووٹ بینک کے طور پر استعمال کیا ہے۔ہماری پریشانیوں کو دور کرنے کی کبھی کوئی کوشش نہیں کی گئی۔ سماجوادی پارٹی پسماندہ مسلم سماج کے لوگوں کی آواز بن کر ان کے حق کی لڑائی لڑتی رہی ہے۔
یہ بھی پڑھیں:پسماندہ مسلم سماج کے وفد نے اکھلیش یادو سے ملاقات کی
ان کا کہنا ہے کہ ایسے لوگوں سے دوری بنانے کی ضرورت ہے جو ہمیں ووٹ بینک کی طرح استعمال کرنا چاہتے ہیں۔ہم لوک سبھا انتخابات 2024 ،ہإ ہم انڈیا اتحاد کے امیدواروں کی حمایت کریں گے۔
