نوئیڈا: ریاست اتر پردیش پولس کمشنر سیکٹر 49 تھانے کے انچارج رام پرکاش سمیت پانچ پولیس اہلکاروں کو معطل کر دیا گیا ہے۔ ان کی جگہ انوج کمار سینی کو نیا تھانہ انچارج بنایا گیا ہے۔ معطل پولیس اہلکاروں پر مہدی حسن قتل معاملے میں لاپرواہی برتنے کا الزام ہے۔
مہندی حسن کو کیسے قتل کیا گیا؟
دراصل، ہفتہ کی رات (19 جنوری 2023) کو دو بدمعاشوں نے پہلے ایک نوجوان کو چاقو مار کر زخمی کر دیا۔ پھر اسے موٹر سائیکل سے باندھ کر پورے گاؤں میں گھسیٹا گیا۔ اتنا ہی نہیں اس کے بعد دونوں بدمعاش لاش لے کر بارولا چوکی پہنچے اور وہاں پھینک دیا۔ پولیس کا کہنا ہے کہ زخمی مہندی کو اسپتال لے جایا گیا تاہم وہ اس سے پہلے ہی دم توڑ گیا۔ اس معاملے میں پولیس نے دونوں ملزمان کو انکاؤنٹر میں گرفتار کر لیا ہے۔
مہندی حسن ای رکشہ چلاتے تھے:
مقتول کی شناخت مہندی حسن کے نام سے ہوئی ہے۔ اطلاع ملتے ہی اس کی بیوی اور بیٹا پولیس چوکی پہنچے۔ بیوی نے پولیس کو بتایا کہ وہ اصل میں اتر پردیش کے بدایوں ضلع کے اسلام نگر کے موہن ناگلا گاؤں کا رہنے والا تھا۔ پچھلے کئی برسوں سے نوئیڈا میں رہ رہے تھے۔ ان کے چار بچے ہیں، مہندی حسن ای رکشہ چلا کر اپنی روزی کما رہے تھے۔ ہر روز کی طرح ہفتے کو بھی وہ ای رکشہ چلانے گئے تھے۔ ایک گھنٹے بعد اطلاع ملی کہ کسی نے اسے چاقو مار کر زخمی کر دیا ہے۔
یہ بھی پڑھیں:علیگڑھ میں پلائی بورڈ سے لدا ٹرک الٹ گیا، دو بچے ہلاک
اس کی ٹانگیں باندھ کر موٹر سائیکل سے گھسیٹا گیا۔ قریب آدھے گھنٹے تک مختلف گلیوں سے ہوتے ہوئے گاؤں میں اس کی لاش کو گھسیٹا گیا۔ اطلاع ملنے کے بعد وہ اپنے بیٹے کے ساتھ بارولا چوکی پہنچی۔ وہاں بھی خون بکھرا ہوا تھا۔ وہ اپنے شوہر کی ہولناک موت کے بعد سے صدمے میں ہے۔ اس درندگی کے خلاف ایکشن لیتے ہوئے پولیس کمشنر سنگھ نے سیکٹر 49 تھانہ انچارج اور برولا چوکی انچارج کو فوری معطل کر دیا اور محکمہ جاتی تحقیقات کا بھی حکم صادر کر دیا ہے۔
