ناگپور: مہاراشٹر اسمبلی انتخابات 2024 کے پیش نظر پولیس انتظامیہ الرٹ ہے۔ انتخابات میں کسی قسم کی بے ضابطگی نہ ہو اور انتخابی ضابطہ اخلاق کو یقینی بنایا جا سکے، اس کے لیے سخت اقدامات کیے جا رہے ہیں۔ اس دوران پولیس نے ناگپور میں بے نامی نقدی ضبط کی ہے۔ یہ رقم کس نے اور کس مقصد کے لیے بھیجی، اس کی جانچ کی جا رہی ہیں۔
الیکشن کمیشن کی ہدایات کے مطابق اسمبلی انتخابات کے دوران پولیس کی جانب سے مشکوک گاڑیوں کی سخت جانچ جاری ہے۔ بدھ کی رات پولیس نے ایک ٹو ویلر سے جا رہے ایک شخص کو مشکوک پایا اور اس کی تلاشی لی۔ اس سے ایک کروڑ 35 لاکھ روپے برآمد ہوئے۔ بتایا گیا ہے کہ نقدی لے جانے والے شخص کا نام شبیر خان حاجی ناصر خان ہے جس کی عمر 27 سال ہے۔
یہ بھی پڑھیں: مہاراشٹر: فرضی الیکشن اہلکار بن کر لٹیروں نے تاجر سے 25 لاکھ روپے سے زیادہ لوٹ لیے
پولیس کو خفیہ اطلاع ملی تھی کہ ایک شخص بھاری رقم لے کر جا رہا ہے۔ اسے پکڑنے کے بعد اس کے پاس سے نقدی برآمد ہوئی۔ اس شخص سے پوچھ گچھ کرنے پر پولیس کو اس رقم کے بارے میں کوئی تسلی بخش جواب نہیں ملا۔ اس کے بعد پولس نے پوری رقم ضبط کر لیا اور الیکشن کے دوران انتخابی ضابطہ اخلاق کی خلاف ورزی پر کارروائی کی۔
آپ کو بتاتے چلیں کہ مہاراشٹر میں 20 نومبر کو انتخابات ہیں اور ووٹوں کی گنتی 23 نومبر کو ہے۔ ریاست میں کل 288 اسمبلی سیٹیں ہیں۔
