ممبئی:مہاراشٹر محکمہ تعلیم کی جانب سے پوِتر پورٹل کے ذریعہ ریاست میں تمام میڈیم کی اسکولوں میں اساتذہ کی تقرری کا سلسلہ گزشتہ روز شروع ہوا۔اس میں اردو میڈیم کے تمام اسکولوں میں سیمی انگلش کے نام پر انگریزی میڈیم کے اساتذہ کی تقرری عمل میں آئی ہے۔
اس معاملے کو لے کر آج شکشک سبھا یونین کا وفد رکن اسمبلی رئیس شیخ سے ملا۔اس معاملے کو رکن اسمبلی رئیس شیخ نے فوری طور پر قدم اٹھاتے ہوئے ریاستی اسمبلی میں مہاراشٹر کے وزیر تعلیم دیپک کیسرکر سے ملاقات کی۔ اس ملاقات میں شکشک سبھا یونین کا وفد بھی ان کے ساتھ تھا۔
وزیر تعلیم دیپک کیسرکر کو یہ بتایا گیا کہ اردو اسکولوں میں سیمی انگلش کے نام پر انگریزی میڈیم کے اساتذہ کی تقرری کرنا سراسر ناانصافی ہے۔ آر ٹی ای قانون کی خلاف ورزی بھی ہے۔ سیمی انگلش میں صرف سائنس اور ریاضی مضمون انگریزی میں پڑھایا جاتا ہے۔
یہ بھی پڑھیں:ممبئی میں ٹریفک اور سڑکیں خستہ حالی کا شکار: ابوعاصم اعظمی
باقی مضامین مادری زبان میں پڑھائے جاتے ہیں۔ آر ٹی ای قانون کے تحت ڈائریکٹ داخلے کے طور پر داخل ہونے والے طلباء و طالبات کو بہت سارا مواد مادری زبان میں بنیادی تعلیم کے طور پر سکھایا جاتا ہے تاکہ وہ ترقی کرتے ہوئے بقیہ طلباء کے برابر آسکے۔
