میرٹھ:ریاست اتر پردیش کے ضلع میرٹھ میں زیدی نگر سوسائٹی میں واقع کربلا میں جشن امام حسین محفل کا اہتمام کیا گیا۔ عالم انسانیت کا درس دینے والے حضرت امام حسین کی ولادت 03 شعبان کو ہوئی تھی۔ اسی تعلق سے جشن محفل کے انعقاد اور تبرکات بھی تقسیم کئے گئے۔
اس موقع پر امام بارگاہ پنجے تنی کے مہتم خورشید زیدی نے کہا کہ حضرت امام حسین کی زندگی پورے عالم انسانیت کے لیے ایک درس پیغام دیتی ہے .ایک طرف جہاں اہل تشیع حضرات ان کی قربانی کو یاد کر تے غم کا اظہار کرتے ہیں۔ وہیں ان کی ولادت پر خوشی کا اظہار بھی کرتے ہیں کیونکہ حضرت امام حسین زندگی اور ان کی قربانی کو اللہ تعالیٰ نے پوری دنیا کے انسانوں کے لیے ایک نظیر کے طور پر پیش کیا۔
یہ بھی پڑھیں:اے ایم یو میں بین الاقوامی کارپوریٹ میٹ 17 فروری کو
اس کے علاوہ کمیٹی کے ذمہ داران کا ماننا ہے کہ اگر انسانیت کو سمجھنا ہے تو ہمیں حضرت امام حسین کی زندگی کو سمجھنا ہوگا. اس کے ساتھ نئی نسل کو تعلیم سے جوڑنے اور اعلیٰ تعلیم یافتہ بنانے کے لیے کمیٹی غریب اور بے سہارا لوگوں کے لیے بھی کام کر رہی ہے۔ موجودہ دور ترقی یافتہ سماج کے لئے تعلیم بے حد ضروری ہے
