بیدر: ریاست کرناٹک میں کانگریس کی حکومت تشکیل عمل میں آنے کے بعد وقف املاک کی حفاظت کو لے کر کام زور شور سے شروع کردیا ہے۔ اسی ضمن میں ریاستی وزیرضمیر احمد خان نے کہا کہ ریاست بھر میں وقف مسائل کو حل کرنے کے لیے ہر ماہ تین اضلاع میں وقف عدالت قائم کی جائے گی ۔
اقلیتی وزیر نے کہاکہ اس کے تحت ضلع بھر کے تمام تعلقہ جات اور دیہاتوں میں موجود وقف جائیداد کا تحفظ اور ان کے مسائل کو حل کیا جائے گا ۔ریاست کے چار حصوں پر بشمول کالبرگی اور منگلور میں حج عمارتیں (حج بھون ) تعمیر کی جائیں گے ۔
انہوںن نے مزید کہاکہ وقف جائیداد کے حوالے سے انہوں نے کہا کہ وقف جائیداد خدا کی جائیداد ہے۔ اس پر کسی کا حق نہیں بنتا ۔اہل ثروت احباب نے قوم و ملت کی بھلائی کے لیے اپنی جائیدادوں کو وقف بورڈ کے حوالے کیا۔ یہ اب ہمارا ذمہ ہے کہ ہم اس کا تحفظ کریں۔
یہ بھی پڑھیں:کرناٹک کے اقلیتی بہبود کے وزیر کا دورہ بیدر
ریاستی وزیر کا مزید کہنا تھا کہ جائیدادوں سے قوم ملت کی ترقی اور کامیابی کے لیے کام کریں۔اس موقع پر ریاستی وزیر برائے بلدیہ ایڈمنسٹریشن و حج رحیم خان کے علاوہ وقف بورڈ کے ذمہ داران وہ اقلیتی قائدین موجود تھے۔
