گلبرگہ: ریاست کرناٹک کے گلبرگہ شہر میں جماعت اسلامی ہند کے قومی نائب صدر ڈاکٹر محمد سلیم انجینر نے میڈیا کو خطاب کرتے ہوئے کہاکہ لوک سبھا انتخابات کے بعد اقلیتی طبقے کے لوگوں پر ہونے والے حملوں میں اضافہ ہونا تشویش کا باعث ہے۔ حکومت کو اس سلسلے میں جلد سے جلد قدم اٹھانے کی ضرورت ہے۔
ڈاکٹر محمد سلیم انجینر نے کہاکہ وہ ان دنوں کرناٹک کے مختلف اضلاع کے دورے پر ہیں۔ یہ گیارہ روزہ دورہ ہے۔ وہ گلبرگہ کے بعد بیدر کا دورہ کریں گے۔ وہاں جماعت اسلامی ہند کے کارکنان سے ملاقات کریں گے ۔ اس کے ساتھ ساتھ سماجی کارکنان اور ملی رہنماوں سے ملاقات کریں گے۔
انہوں نے کہاکہ مختلف سماجی اداروں کے عہدیداران اور ملی و مذہبی رہنماوں سے ملاقات کے دوران ملک کی موجودہ صورتحال پر تبادلہ خیال کریں گے۔ مذہبی رہنماوں سے اپیل کریں گے کہ وہ اقلیتی طبقے کے ہونے والے حملوں کو روکنے کے لئے تحریک چلائیں۔
یہ بھی پڑھیں:گلبرگہ شہر میں 20 جولائی کو بیٹی بچاؤ ایمان بچاؤ پروگرام کا انعقاد کیا جائے گا
ان کا مزید کہنا تھا کہ ملک میں نفرت کے ماحول کس طرح ختم کیا جائے اس پر بھی بیدار مہم چلائی جارہی ہے ۔تاکہ کے ملک امن و امان ،بھائی چارگی برقرار رہے ۔اس کے تعلق سے مختلف دھرم گروں کو جوڑ کر سدبھاوانہ کے نام سے ایک اسٹیج پروگرام بھی کیا جائےگا ۔ اس موقع پر جماعت اسلامی ہند گلبرگہ سنٹر کے ذمہ دارن نے بھی شرکت کی۔
