ہاوڑہ: بدمعاشوں نے 13010 ڈاؤن دون ایکسپریس کے S-9 ڈبے میں مسافروں کے ساتھ مار پیٹ کی، جس سے سنسنی پھیل گئی۔ شرپسندوں کے حملے میں ایک مسافر شدید طور پر زخمی ہوگیا۔ تنازعہ ریزرو نشستوں پر بیٹھنے سے شروع ہوا۔ اس واقعے نے ٹرین میں مسافروں کی سکیورٹی پر سوالات کھڑے کر دیے۔ مسافروں نے ریلوے پولیس کے خلاف برہمی کا اظہار کیا۔ حملے کی ویڈیو سوشل میڈیا پر وائرل ہوگئی تاہم ای ٹی وی انڈیا نے ویڈیو کی صداقت کی تصدیق نہیں کی ہے۔
ذرائع کے مطابق پیر کی رات جب 13010 ڈاؤن ڈن ایکسپریس بہار سے ہاوڑہ آ رہی تھی۔دو نامعلوم افراد مبینہ طور پر S9 کے ریزرو کمرے میں سوار ہو گئے۔ وہ زبردستی ریزرو سیٹوں پر بیٹھنے کی کوشش کی۔ جب وہاں موجود دیگر مسافروں نے اعتراض کیا تو ان کے ساتھ مار پیٹ شروع کر دی ۔ الزام ہے کہ جیسے ہی اگلے اسٹیشن پہنچے باہر کے لوگوں کی بڑی تعداد ایس 9 کے ریزرو کمرے میں داخل ہوئی اور توڑ پھوڑ کی۔ یہاں تک کہ اس واقعہ میں کئی مسافروں کو زدوکوب کیا گیا۔ ٹرین کے اندر کیا ہوا، پوری ویڈیو سوشل میڈیا پر وائرل ہوگئی۔
وائرل ویڈیو میں دیکھا جا سکتا ہے کہ کمرے میں لگے شیشے کی توڑ پھوڑ کی گئی۔ مبینہ طور پر بچوں اور بڑوں پر حملے کیے گئے۔ یہاں تک کہ ایک مسافر شدید طور پر زخمی ہوگیا ۔ریلوے سکیورٹی کو لے کر سوشل میڈیا پر ردعمل کا طوفان برپا ہے۔ مسافروں نے چلتی ٹرین میں آر پی ایف اہلکاروں کے رول کے حوالے سے بھی شکایت کی۔
یہ بھی پڑھیں:انڈین ریلوے نے کیا دنیا کے بلند ترین ریلوے پل پر کامیاب تجربہ
مسافروں نے کہاکہ ٹرین ہاوڑہ اسٹیشن پہنچی تو انہوں نے ریلوے حکام سے واقعے کی تحقیقات اور اس معاملے میں ملوث قصورواروں کی گرفتاری اور سخت سزا دینے کا مطالبہ کیا۔ انہوں نے مزید کہا کہ اگر قصورواروں کے خلاف کارروائی نہیں کی گئی تو وہ احتجاج کرنے پر مجبور ہو ں گے۔
