اجمیر: ریاست راجستھان کے ادے پور میں واقع چشتیہ پبلک اسکول اور مدر میموریل اسکول میں کیرالہ دارالہدی اسلامک یونیورسٹی میں داخلہ کے لئے امتحانات منعقد کئے گئے۔
ادے پور میں منعقدہ اس انٹرویو پروگرام کے کوارڈینیٹر سماجی کارکن ریاض منصوری اور عارف حسین نے بتایا کہ کیرالا سے آئے وفد نے اجمیر میں طلبا و طالبات سے زبانی(اورل) ٹیسٹ اور تحریری امتحان بھی لیا۔
اجمیر کے علاوہ ضلع بودی، اندور، احمد اباد اور پرتاب گڑھ کے طلبا و طالبات نے جوش و خروش کے ساتھ اس امتحانات میں حصہ لیا۔اس میں منتخب طلبا و طالبات کو 12 سال کا دینی اور دنیاوی کورس عالم ، فاضل کے ساتھ پوسٹ گریجویشن بالکل مفت کرایا جائے گا۔
انہوں نے کہاکہ اس یونیورسٹی میں ایک بار اگر کوئی داخلہ لے لیتا ہے وہ مکمل تعلیم حاصل کرنے کے بعد ہی وہاں سے فارغ ہوتا ہے۔ایک مکمل یونیورسٹی ہے جہاں ایک چھت کے نیچے دینی اور دنیاوی تعلیم دونوں ایک ساتھ فہرامیم کی جاتی ہے۔
یہ بھی پڑھیں:اجمیر میں روزہ داروں کو سحری کے وقت نیند سے بیدار کرنے کی قدیم روایت - Ramadan 2024
دار الہدی اسلامک یونیورسٹی, کیرالہ کے نمائندہ محمد انیس عباسی( ادے پور) ان کا مزید کہنا تھا کہ اس تعلیم کو مکمل کیے جانے کے بعد طلبا و طالبات برصغیر میں کسی بھی یونیورسٹی میں داخلہ لے سکتا ہےاس کے تمام تر اخراجات بھی دارالحدی اسلامک یونیورسٹی کیرالہ ہی ادا کرے گی۔
