حیدرآباد میں ڈرون پورٹ بنانے کیلئے مفاہمت نامے پر دستخط

ڈرونز کے حوالے سے ملک میں بے پناہ امکانات دیکھے جا رہے ہیں۔ اس لیے اس شعبے کو فروغ دینے کے لیے حیدرآباد میں ڈرون پورٹ بنانے کا منصوبہ ہے۔

حیدرآباد: ریاست کے وزیر اعلیٰ ریونت ریڈی نے ایک بیان میں کہا کہ حیدرآباد کے ارد گرد ڈرون پورٹ کی تعمیر کی جائے گی۔ افسران کو پورٹ کے لیے درکار 20 ایکڑ اراضی کی فارما سٹی کے آس پاس نشاندہی کرنے کی ہدایت دی گئی ہے۔ ایوی ایشن کے قوانین کے مطابق اس جگہ کو نو آبجیکشن زون کے زمرے میں مختص کرنے کی تجویز دی گئی ہے۔

تلنگانہ اسٹیٹ ایوی ایشن اکیڈمی نے ڈرون پائلٹس کی جدید تربیت کے لیے ISRO کے نیشنل ریموٹ سینسنگ سینٹر (NRSC) کے ساتھ ایک مفاہمت نامے پر دستخط کیے ہیں۔ تلنگانہ ایوی ایشن اکیڈمی کے سی ای او ایس این ریڈی اور این آر ایس سی ڈائرکٹر پرکاش چوہان نے بدھ کو سکریٹریٹ میں وزیر اعلیٰ ریونت ریڈی، ریاستی وزیر کوماتی ریڈی وینکٹ ریڈی، اسرو کے چیرمین ایس سومناتھ کی موجودگی میں ایم او یو پر دستخط کیے۔ حکومت کے چیف سکریٹری اے شانتی کماری، آر اینڈ بی کے پرنسپل سکریٹری سری نواس راج، این آر ایس سی کے ڈپٹی ڈائریکٹر مرلی کرشنا اور دیگر افسران بھی اس میٹنگ میں شرکت کی۔

• ورنگل ہوائی اڈے کی تزئین و آرائش

معاہدے کے موقعے پر سی ایم ریونت نے ایوی ایشن اکیڈمی کے حکام کی درخواست پر کہا کہ وہ فی الحال ہوائی اڈے پر ہی ڈرون پائلٹوں کو تربیت دے رہے ہیں۔ وہاں بھیڑ بھاڑ کے پیش نظر حیدرآباد کے آس پاس ڈرون پائلٹ کی تربیت کے لیے جگہ مختص کی جانی چاہیے۔ وزیراعلیٰ نے سوال کیا کہ ڈرون پورٹ کے قیام کے لیے کتنی جگہ درکار ہے؟ انہوں نے کہا کہ یہ پورٹ پائلٹس کی تربیت کے ساتھ ساتھ ڈرون بنانے والی کمپنیوں کے لیے بھی کارآمد ثابت ہوگا۔ اسی کے ساتھ وزیراعلیٰ نے ورنگل ایئرپورٹ کی تزئین و آرائش کے لئے مناسب اقدامات کرنے کا حکم دیا۔ تباہ شدہ پرانے رن وے کی تعمیر اور وہاں سے کمرشل آپریشنز چلانے کی فزیبلٹی تلاش کرنے کی تجویز دی گئی ہے۔ حکام کو ہدایت کی گئی کہ وہ کسی بھی رکاوٹ کو دور کریں۔ عہدیداروں کو مشورہ دیا گیا کہ کوٹھا گوڈیم اور بھدراچلم کے آس پاس کا علاقہ ایئرپورٹ کے قیام کے لئے موزوں ہوگا اور انہیں وہاں کے امکانات کا جائزہ لینا چاہیے اور ایئرپورٹ اتھارٹی سے مشورہ کرنا چاہیے۔

• 15 روزہ تربیتی کورس

اس مفاہمت نامے کے حصے کے طور پر ڈرون پائلٹنگ، ڈرون ڈیٹا مینجمنٹ، ڈیٹا انالسس وغیرہ کی تربیت فراہم کی جائے گی۔ اکیڈمی میں این آر ایس سی سائنسدانوں اور ڈرون پائلٹس کی تربیت کے لیے ڈیٹا کے تجزیہ، ڈیٹا پروسیسنگ اور میپنگ پر 15 روزہ تربیتی کورس کا انعقاد کیا جائے گا۔ حکام نے وزیراعلیٰ کو بتایا کہ تمام شعبوں میں ڈرون کا استعمال بڑھ گیا ہے۔ کسان کھیتوں میں کھاد اور کیڑے مار ادویات کے سپرے کے لیے ڈرون کا استعمال کر رہے ہیں۔ کچھ جگہوں پر، سیلف ہیلپ گروپس نے اسے روزگار کا ذریعہ منتخب کیا ہے۔ وزیر اعلیٰ نے تجویز دی کہ اعلیٰ سطح سے لے کر تحصیلدار سطح تک کے سرکاری افسران کو ان مسائل پر بیداری پیدا کرنے کے لیے تربیت دی جانی چاہیے۔ اسرو کے چیرمین ایس سومناتھ نے کہا کہ 'ریاست تلنگانہ ملک میں اس تربیتی کورس کو جدید طریقے سے منعقد کر رہی ہے۔'