پلامو: جھارکھنڈ میں چھتیس گڑھ کی آرکسٹرا آرٹسٹ کے ساتھ اجتماعی عصمت دری کا واقعہ پیش آیا ہے۔ پولیس نے کارروائی کرتے ہوئے ملزم کو گرفتار کر لیا۔ جب کہ متاثرہ اسپتال میں زیر علاج ہے۔ گرفتار ملزمان کو عدالتی تحویل میں بھیجنے کی تیاریاں کی جا رہی ہیں۔ موصولہ اطلاعات کے مطابق چھتیس گڑھ کے ایک آرکسٹرا آرٹسٹ کو پلامو علاقے کے بشرم پور کے کچھ مقامی لوگوں نے بلایا تھا۔ خاتون آرکسٹرا آرٹسٹ کا پروگرام پلامو کے علاقے حسین آباد میں طے تھا۔ آرٹسٹ حسین آباد کے علاقے میں پروگرام پیش کر کے واپس جا رہی تھی۔
اسی دوران کار میں موجود نوجوانوں نے پہلے خاتون آرٹسٹ کو نشہ آور چیز پلائی اور پھر اس کے ساتھ اجتماعی زیادتی کی۔ گینگ ریپ کے بعد خاتون آرٹسٹ کو ملزمان نے سڑک پر چھوڑ دیا۔ مقامی لوگوں نے متاثرہ کو علاج کے لیے اسپتال میں داخل کرایا اور پورے واقعے کی اطلاع پولیس کو دی گئی۔ متاثرہ کے ہوش میں آنے کے بعد سارا اطلاع سامنے آیا اور اس نے پولیس کو سارا واقعہ بتایا۔ پورے معاملے میں فوری کارروائی کرتے ہوئے بشرم پور تھانے نے ملزم اجے اور بندیشور کو گرفتار کر لیا ہے۔
یہ بھی پڑھیں:
- جھارکھنڈ میں ہسپانوی خاتون کا گینگ ریپ، سات لوگوں پر الزام، کئی گرفتار
- جھارکھنڈ: رام گڑھ میں بیٹی کو قتل کرنے والے ماں باپ کو گرفتار کیا گیا
جب کہ دیگر دو ملزمان کی گرفتاری کے لیے چھاپے مارے جا رہے ہیں۔ پروگرام کے لیے خاتون آرٹسٹ کو چھتیس گڑھ سے لایا گیا تھا۔ بشرم پور تھانہ انچارج سوربھ چوبے نے بتایا کہ ملزمین کو گرفتار کر لیا گیا ہے اور تفتیش کی جا رہی ہے۔
