راجستھان: ایک نارمل پودا زیادہ سے زیادہ 2.5 سے 3 فٹ کی انچائی کا ہوتا ہے لیکن ایک بیگن کے پودے کی بات کریں تو اسکی بھی لمبائی کچھ دو سے ڈھائی فٹ ہی ہوتی ہے۔ لیکن اگر وہ عنقریب 17 فٹ کا ہو تو یقین نہیں ہوگا لیکن یہ حقیقت ہے۔ یہ واقعہ صوبہ راجستھان کے ضلع بنڈی ہندولی کے ایک گاؤں کا ہے۔ جہاں ایک کسان کے گھر میں 17 فٹ اونچا بینگن کا پودا موجود ہے، جس کو پودا نہ کہہ کر درخت کہں تو زیادہ درست ہوگا۔ بیگن کے اس درخت جس سے 1 کلو گرام تک وزنی بیگن کی پیداوار ہوتی ہے۔ اس بیگن کے درخت سے بیگن توڑنے کے لیے سیڑھی کا استعمال کیا جاتا ہے۔ راجستھان کے اس کسان کے گھر اتنا لمبا بیگن کا درخت دیکھ کر لوگوں میں تجسس ہے، لوگ اسے دیکھنے کے لیے دور دراز سے آتے ہیں۔
بابولال مینا بڑانیا گاؤں کے ایک اسسٹنٹ ایگریکلچر آفیسر ہیں۔ اس انوکھے پودے کو دیکھنے کے بعد ان کا کہنا ہے کہ"عام طور پر بیگن کا پودا دو سے تین فٹ لمبا ہوتا ہے لیکن اس کا 17 فٹ اونچا ہونا حیران کن ہے، یہ ایک ہائبرڈ بیج ہے۔ اس قسم کے بیج ایک لمبے پودے کی شکل اختیار کر لیتے ہیں۔ وہ آگے کہتے ہیں کہ اس پلانٹ کا معائنہ کیا جائے گا"
دیوجی تھانہ کے رہنے والے کسان پرکاش بیروا نے بتایا کہ "ڈھائی سال قبل میں نے ایک دوست کے کہنے پر گھر میں ہائبرڈ بیج سے بیگن کا پودا لگایا تھا، جو آج ایک درخت کی شکل اختیار کر چکا ہے، جس کی اونچائی تقریباً 17 فٹ ہے۔ اس پودے سے بیگن توڑنے کے لیے سیڑھی کا استعمال کرنا پڑتا ہے۔" مزید انہوں نے کہا کہ ڈھائی سال قبل انہوں نے گھر پر ہی یہ بیج تیار کر کے اس کو لگایا تھا۔
مزید پڑھیں: پچیس ہزار درخت لگانے والے لکھنؤ کے فیض حسنین عابدی سے ملیے
پرکاش کا مزید کہنا ہے کہ "درخت سے ایک کلو سے زیادہ وزنی بیگن اگائے جاسکتے ہیں، تاہم زیادہ وزن کی وجہ سے درخت کی شاخوں کے ٹوٹنے کا خطرہ ہے، اب تک وہ اس درخت سے کئی کلو بیگن فروخت کر چکے ہیں" جب گاؤں کے لوگوں کو 17 فٹ لمبے بیگن کے پودے کا علم ہوا تو لوگ اسے دیکھنے کے لیے ان کے گھر پہنچ گئے۔ واضح رہے کہ 17 فٹ اونچا بیگن کا درخت لوگوں میں تجسس کا موضوع بنا ہوا ہے۔ ساتھ ہی ساتھ محکمہ زراعت کے اہلکار بھی بیگن کے درخت کو دیکھ کر حیران رہ گئے۔ اس بارے میں محکمہ زراعت کے حکام نے کہا کہ اس درخت پر تحقیق ہونی چاہیے۔
