اجمیر:ریاست راجستھان کے اجمیر میں واقع عالمی شہریت یافتہ حضرت خواجہ معین الدین حسن چشتی رحمت اللہ علیہ کی درگاہ پر بالی ووڈ کی مشہور شخصیات کی آمد کا سلسلہ جاری ہے۔بالی ووڈ سے وابستہ مشہوراداکاروں اور اداکارہ اکثر و بیشتر اجمیر شریف کی درگاہ پر حاضری دینے کے لئے پہنچتے ہیں۔
اسی درمیان بالی ووڈ کی مشہور اداکارہ ہما قریشی نے حضرت خواجہ معین الدین حسن چشتی رحمت اللہ علیہ کی بارگاہ پر حاضری دینے کے لئے پہنچی۔انہوں نے درگاہ پرچادر چڑھائی اور فلمی کیرئیر میں مزید کامیابی کے لئے دعا مانگی
غور طلب ہے کہ اجمیر کے مختلف مقامات پر بالی ووڈ فلم جولی ایل ایل بی تھری کی شوٹنگ چل رہی ہے۔ ہما قریشی،اکشے کمار اور ارشد وارثی ان دنوں اپنی آنے والی نئی فلم جولی ایل ایل بی تھری کی شوٹنگ کے لئے اجمیر آئے ہوئے ہیں۔ یہی وجہ ہے کہ ہما قریشی اجمیر شریف درگاہ پر بھی حاضری دینے کے مقصد سے درگاہ پہنچیں۔
یہ بھی پڑھیں:اداکارہ مشیکا چورسیہ نے اجمیرشریف کی درگاہ پر حاضری دی - Mishika Chourasia In Ajmer Sharif
انہوں نے اپنے اور اپنے خاندان کی جانب سے چادر پوشی کرتے ہوئے زندگی میں کامیابی کی دعا مانگی۔ہما قریشی کے درگاہ پہنچنے پر ان کے چاہنے والوں کی بھیڑ امڈ پڑی۔ ہما قریشی نے جنتی دروازے پر منت کا دھاگہ بھی باندھا اور زندگی میں کامیابی کی دعا بھی مانگی۔ ہما قریشی حضرت خواجہ غریب نواز سے بے حد عقیدت رکھتی ہیں, یہی وجہ ہے کہ وہ اکثر و بیشتر اجمیر شریف حاضری دینے آتی رہیں ہیں۔
