مظفر نگر میں جینت چودھری کی انتخابی مہم - LOK SABHA ELECTION 2024

Election In Muzaffarnagar مظفر نگر لوک سبھا انتخابات کے سلسلے میں بھارتیہ جنتا پارٹی اور راشٹریہ لوک دل اتحاد کا مشترکہ روڈ شو منعقد کیا گیا. راشٹریہ لوک دل کے قومی صدر جینت چودھری نے کہاکہ انتخابات سے قبل ہی انڈیا اتحاد نے شکست تسلیم کرلی ہے۔تشہیری مہم کے دوران اکھلیش یادو اور راہل گاندھی کہیں نظر نہیں آ رہے ہیں۔

مظفر نگر: بجنور لوک سبھا سیٹ سے راشٹریہ لوک دل کے امیدوار چندن چوہان کی حمایت میں 60 کلو میٹر طویل روڈ شو کیا۔ جینت چودھری دوپہر 2 بجے مظفر نگر شاملی روڈ پر واقع لالو کھیڑی گاؤں پہنچے جہاں سے انہوں نے شکتی رتھ پر سوار ہو کر روڈ شو کیا۔اس دوران مظفر نگر لوک سبھا سیٹ سے بی جے پی امیدوار سنجیو بالیاں اور راشٹریہ لوک دل کے بجنور کے امیدوار چندن چوہان بھی موجود تھے۔

اس کے ساتھ ساتھ شکتی رتھ پر راشٹریہ لوک دل اور بی جے پی کے سینئر لیڈران موجود تھے۔ جینت چودھری کی آمد سے پہلے راشٹریہ لوک دل کے ہزاروں حامی اور بی جے پی کے حامی ٹریکٹر ٹرالی پر ایک طرف بی جے پی کا جھنڈا اور دوسری طرف راشٹریہ لوک دل کا جھنڈا لگا کر چھوٹے چودھری جینت کی قیادت کے لئے تیار کھڑے تھے۔

جہاں سے جینت چودھری کا روڈ شو گزرا، آر ایل ڈی کے سینکڑوں حامی اور بی جے پی کارکنان ہاتھوں میں جھنڈے لے کر چودھری اجیت سنگھ زندہ باد چودھری چرن سنگھ زندہ باد اور جینت چودھری زندہ باد کے نعرے لگاتے ہوئے شکتی رتھ کے آگے چلتے رہے۔ بھارتیہ جنتا پارٹی اور راشٹریہ لوک دل کے اتحاد کے بعد مظفر نگر میں جینت چودھری کا یہ پہلا روڈ شو تھا، جہاں ان کے لاکھوں حامی اس روڈ شو میں موجود تھے۔

اس دوران میڈیا سے مخاطب ہوتے ہوئے راشٹریہ لوگ دل کے قومی صدر جین چوہدری نے کہا کہ کہیں پر بھی لوگ ہمارے خلاف نہیں ہیں یہ جمہوریت کا حصہ ہے سبھی ہمیں ہی ووٹ کریں گے اپوزیشن پر تنقید کا نشانہ سعادتیں ہوئے انہوں نے کہا کہ تو اپوزیشن نے پہلے ہی اپنی شکست مان لی ہے