بنگلورو میں یاد شہدا تعزیتی اجلاس کا اہتمام، فلسطین کی حمایت جاری رکھنے کا اعلان کیا گیا - Yaad Shuhada In Bengaluru

بنگلورو میں یاد شہدا تعزیتی اجلاس کا اہتمام کیا گیا جس میں فلسطین سے وابستگی کا اعادہ کیا گیا۔اس اجلاس میں کثیرتعداد میں خاص و عام نے بڑھ چڑھ کر شرکت کی۔

بنگلورو: ایران میں سانحہ کے غم میں ریاست کرناٹک میں واقع وقف پروٹیکشن ایکشن کمیٹی و جامع مسجد ٹرسٹ بورڈ کی جانب سے یاد شہدا تعزیتی اجلاس کا اہتمام کیا گیا جس میں علماء کرام سمیت شہر کی کئی اہم شخصیات نے شرکت کی۔

اس موقع پر ایرانی کونسولیٹ کے ذمہ دار کی موجودگی میں ابراہیم رئیسی سمیت متعدد شہداء کے لئے دعائیں کی گئی۔ تعزیتی اجلاس کے دوران فلسطین کے ساتھ اٹھ کھڑے ہونے کا اعلان کیا گیا۔ انہوں نے کہا کہ اس وقت فلسطین کو سب سے زیادہ مدد کی ضرورت ہے۔

اس موقع پر علماء کرام و دانشوران نے ملت اسلامیہ کے نام پیغام دیا کہ "اتحاد ہی زندگی ہے اور اختلاف انتشار ہے۔ لہذا سبھی بلا تفریق مسلک و مذہب متحد ہوکر مظلوموں کے ساتھ کھڑے ہوکر ظلم و ظالم کے خلاف آواز بلند کریں تاکہ ملک میں امن کا قیام ممکن ہوسکے۔

یاد شہداء اجلاس میں شہر حیدرآباد سے ارانین کانسولیٹ کے ذمہ دار نے بھی شرکت کی جن کے ذریعے اجلاس کی جانب سے پیغام دیا گیا کہ ہندوستان ان حالات میں ملک ایران و ایران کے باشندوں کے سستھ کھڑا ہے۔انہوں نے کہاکہ ایران واحد ملک ہے جو فلسطین کی حمایت میں سب سے آگے کھڑا ہے۔

اس جلسے میں تمام لوگوں نے تمام مسلک کے لوگوں کو ایک پلٹ فارم پر آکر امت مسلمہ کی ترقی کے لئے کام کرنا چاہئے۔ان کے مسائل کے حل کے لئے ایک پلٹ فارم پر آنا چاہئے