لکھنو: تقریب میں نو شیم پروجیکٹ کی ڈائریکٹر فوزیہ رحمان عباسی، صبیحہ احمد ممبر سنی وقف بورڈ اور ماہر امراضِ نسواں ڈاکٹر عظمیٰ مبشر سمیت نامور مقررین کی طرف سے صفائی سے متعلق آگاہی، زندگی کی مہارتوں، ہنر مندی اور حفظان صحت کے سیشنز پر توجہ مرکوز کی گئی۔
پروگرام کو زبردست حمایت اور مثبت فیڈ بیک ملا، حاضرین اور خیر خواہوں نے اسے ایک شاندار اقدام کے طور پر سراہا اور اس طرح کے مزید پروگرام منعقد کرنے پر زوردیا۔ شرکاء کے نظم و ضبط اور پرجوش شمولیت نے تعلیم کو فروغ دینے اور بااختیار بنانے میں اس طرح کے اقدامات کے دور رس نتائج برآمد ہونے کے واضح اثرات کا عندیہ دیا۔
اموبا لکھنؤ کی ایکزیکٹیو ممبران حنا جعفری ،شازیہ فاروقی، اور رعنا طیب نے اس پروگرام کو کامیاب بنانے کےلئے اپنا بھرپور کردار ادا کیا۔ایسوسی ایشن کی اعزازی سیکریٹری شہلا حق نے مدرسے کے تمام عہدیداران و اساتذہ بالخصوص مولانا عبید الرحمٰن کا خصوصی طور پر شکریہ ادا کرتے ہوئے کہا کہ اس تقریب کے کامیاب انعقاد میں ان کا تعاون اور لگن قابل تحسین ہے۔
یہ بھی پڑھیں:خطاطی اور اودھ کی وراثت پر بین الاقوامی نمائش ہیر ٹیج آف اودھ کا افتتاح
شہلا حق نے مزید کہا کہ ہم ایسوسی کے صدر سید محمد شعیب، نائب صدر انجنیئر محمد غفران، اور تمام ایگزیکٹو ممبران کے انمول تعاون کے لئے ان کا شکریہ ادا کرتے ہیں۔
