لکھنو: اتر پردیش حکومت انتظامیہ کی جانب سے ایک حکم نامہ جاری کیا گیا ہے جس میں غیر منظور شدہ مدارس کو بند کرنے کی ہدایت ہے اس تعلق سے ضلع سدھارتھ نگر کے سیکشن ایجوکیشن افیسر نے غیر منظور شدہ مدارس کو بند کرنے کی ہدایت دی ہے۔
انہوں نے مزید کہا تھا کہ مدرسے میں پڑھنے والے طلبہ کو سرکاری سکول میں داخل کرایا جائے۔ اس سلسلے میں نہ صرف ضلعی سطح پر لوگوں میں شدید بے چینی ہے بلکہ ریاستی سطح پر بھی لوگوں میں شدید بے چینی ہے۔
ای ٹی وی بھارت اردو کے نمائندہ خورشید احمد نے سماج وادی پارٹی کے قومی صدر اکھیلیش یا دو سے آج پریس کانفرنس میں مدرسوں کے سلسلے میں سوال کیا کہ یوپی حکومت انتظامیہ نے ایک لیٹر جاری کر کہا ہے کہ سبھی غیر منظور شدہ مدارس کو بند کیا جائے اور اس میں تعلیم حاصل کرنے والے طلبا کو سرکاری اسکول میں داخلہ کرایا جائے اس فیصلے سے ریاست کے لاکھوں بچے تعلیم سے محروم ہوجائیں گے۔
یہ بھی پڑھیں:یوپی مدرسہ بورڈ کے عہدیداروں نے مدارس سے طلبہ کو سرکاری اسکولوں میں منتقل کرنے کے حکم کو مسترد کردیا
سماج وادی پارٹی کے قومی صدر اکھلیش یادو نے کہا کہ ہمارا سرکاری سے یہی کہنا ہے کہ مدرسہ بورڈ میں عمل دخل نہ کرے ۔یہ اس لیے کیا جاتا ہے کیونکہ ان کو ووٹ کا پرشپشن بنانا ہے۔ سماج وادی پارٹی کی حکومت آئے گی تو مدارس میں تعلیم کو بہتر کرنے کے لیے پوری کوشش ہوگی۔ مدرسہ مارڈن اسکیم بھی بحال ہوگی اور مدارس کو سبھی سہولت دی جائے گی۔
