نئی دہلی: ویراٹ کوہلی ان دنوں کرکٹ کے میدان سے دور ہیں لیکن وہ کچھ کیے بغیر بھی سرخیوں میں بنے رہتے ہیں۔ ویراٹ اور بالی ووڈ اداکارہ انوشکا شرما 15 فروری کو دوسری بار والدین بنیں۔ اسی وجہ سے کوہلی ان دنوں کرکٹ کے میدان سے دور ہیں اور اپنی اہلیہ انوشکا اور بیٹے کے ساتھ وقت گزار رہے ہیں۔
سوشل میڈیا پلیٹ فارم انسٹا گرام پر اپنے بیٹے آکائے کی پیدائش کے 10 دن کے اندر، کوہلی چھ پوسٹس پر 10 ملین سے زیادہ لائکس حاصل کرنے والے پہلے بھارتی بن گئے ہیں۔
واضح رہے کہ ویراٹ کوہلی انسٹاگرام پر سب سے زیادہ فالو کیے جانے والے بھارتی ہیں۔ انسٹاگرام پر ان کے 266 ملین سے زیادہ فالوورز ہیں۔ انہیں نہ صرف ملک میں بلکہ بیرون ملک بھی بہت پسند کیا جاتا ہے۔ویراٹ کے لیے ان کے مداحوں کا جنون قابل دید ہے۔ کئی بار شائقین ان سے میدان میں ملنے کے لیے حفاظتی حصار بھی توڑ دیتے ہیں۔ کوہلی ہمیشہ اپنے مداحوں سے بہت پیار کرتے ہیں اور ان کے جذبات کا احترام بھی کرتے ہیں۔
ویراٹ نے حال ہی میں اپنے انسٹاگرام پر اپنے بیٹے آکے کی پیدائش کے بارے میں ایک پوسٹ شیئر کی تھی۔ اس پوسٹ کو شائقین کی جانب سے بہت پیار ملا اور اسے ایک کروڑ سے زائد لائکس مل چکے ہیں۔ کوہلی نے اپنے بیٹے کی پیدائش کے لیے انگلینڈ کے خلاف کھیلی جا رہی پانچ میچوں کی سیریز سے آرام لیا ہے۔ اب وہ آئی پی ایل 2024 میں اپنے مداحوں کے لیے کھیلتے ہوئے نظر آئیں گے۔
