حیدرآباد: ہریانہ کے پہلوان بجرنگ پونیا اور ونیش پھوگاٹ نے کانگریس لیڈر راہل گاندھی سے ملاقات کی ہے۔ جس کے بعد سیاسی حلقوں میں یہ قیاس آرائیاں تیز ہوگئی ہیں کہ کانگریس ان دونوں کھلاڑیوں کو ہریانہ اسمبلی انتخابات میں اپنا امیدوار بنا سکتی ہے۔
راہل گاندھی سے ملاقات کے بعد پہلوان بجرنگ پونیا اور ونیش پھوگاٹ دہلی میں کانگریس جنرل سکریٹری کے سی وینوگوپال کی رہائش گاہ پہنچے اور ان سے ملاقات بھی کی۔ الیکشن لڑنے کے حوالے سے اس ملاقات کو کافی اہم قرار دیا جا رہا ہے۔
नेता विपक्ष श्री @RahulGandhi से विनेश फोगाट जी और बजरंग पुनिया जी ने मुलाकात की। pic.twitter.com/UK7HW6kLEL
— Congress (@INCIndia) September 4, 2024
میڈیا رپورٹ کے مطابق ہریانہ اسمبلی انتخابات میں پہلوان بجرنگ پونیا بدلی سے اور ونیش پھوگٹ جولانہ سے میدان میں اتر سکتی ہیں۔ واضح رہے کہ ہریانہ میں اسمبلی انتخابات یکم اکتوبر کو ہوں گے اور نتائج اعلان 4 اکتوبر کو کیا جائے گیا۔
قابل ذکر ہے کہ ونیش پھوگاٹ حالیہ دنوں میں صرف اس وجہ سے چرچے میں تھیں کیونکہ انھیں پیرس اولمپکس میں فائنل میچ سے قبل محض سو گرام وزن زیادہ ہونے کی وجہ سے نا اہل قرار دے دیا گیا تھا۔ جس کے بعد انھوں نے کھیلوں کی ثالثی عدالت کا بھی دروازہ کھٹکھٹایا لیکن وہاں سے بھی انھیں مایوس لوٹنا پڑا۔
لیکن ونیش کو اس معاملے پر پورے ملک سے کافی زیادہ سپورٹ ملا یہاں تک وطن واپسی پر ان کا ایک چیمپیئن اور گولڈ میڈلسٹ کھلاڑی کی طرح استقبال کیا گیا۔ جب کہ بجرنگ پونیا ان خواتین پہلوانوں کے ساتھ ہمیشہ کھڑے نظر آئے جنھوں نے سابق بی جے پی رکن پارلیمنٹ برج بھوشن کے خلاف جنسی ہراسانی کا الزام عائد کرنے کے بعد ان کے خلاف کاراوائی کرنے کے لیے دہلی میں کئی مہینوں تک احتجاج کیا۔
بجرنگ پونیا بھی اولمپک گولڈ میڈلسٹ ہیں انھوں نے ٹوکیو اولمپکس میں کانسے کا تمغہ جیتا تھا لیکن انھوں نے پیرس اولمپکس میں شرکت نہیں کیونکہ انھوں نے کوالیفائی میچ کھیلنے سے منع کردیا تھا۔
