اینٹیگا:سپر8 کے مرحلے کے پہلے میچ میں ٹاس جیتنے کے بعد امریکہ کے کپتان ایرون جانس نے کہا کہ پچ کی وجہ سے ہم نے پہلے بالنگ کرنے کا فیصلہ کیا۔ یہ پچ ڈلاس سے زیادہ الگ نہیں ہوسکتی ہے۔ جنوبی افریقہ کے کپتان ایڈن مارکرم نے کہاکہ ہم ٹاس کو لے کر زیادہ فکرمند نہیں تھے۔ اس میچ میں بارٹمین کی جگہ کیشو مہاراج کو ٹیم میں شامل کیا گیا ہے۔
ویسٹ انڈیز کے اینٹیگا کے سر ویوین رچرڈز اسٹیڈیم میں آج جنوبی افریقہ کا مقابلہ امریکہ سے ہو گا۔ یہ میچ ہندوستانی وقت کے مطابق رات 8 بجے سے کھیلا جائے گا۔ اس اسٹیڈیم کی پچ پر بلے بازوں کے علاوہ گیند بازوں کو بھی مدد ملتی ہے۔ اس پچ پر تیز گیند بازوں کو نئی گیند سے مدد ملتی ہے جبکہ اسپن بالرز کو پرانی گیند سے مدد ملتی ہے۔ بلے باز بھی پچ پر آسانی سے رنز بناتے نظر آتے ہیں۔ ایسے میں امید کی جا رہی ہے کہ اس پچ پر زیادہ اسکورنگ میچ ہو گا۔
