لاہور: سلیمہ امتیاز نے تاریخ کی کتابوں میں اپنا نام درج کرا دیا ہے کیونکہ وہ آئی سی سی انٹرنیشنل پینل آف ڈویلپمنٹ امپائرز میں شامل ہونے والی پہلی پاکستانی خاتون امپائر بن گئی ہیں۔
پاکستان کرکٹ بورڈ (پی سی بی) نے اتوار کو اعلان کیا۔ اس نامزدگی سے امتیاز خواتین کے دو طرفہ بین الاقوامی میچوں اور آئی سی سی خواتین کے ایونٹس میں امپائرنگ کر سکیں گی۔
سلیمہ امتیاز نے فخر کا اظہار کیا اور امید ظاہر کی کہ ان کی کامیابی پاکستان کی دیگر خواتین کو متاثر کرے گی۔ پی سی بی کی جانب سے جاری بیان میں سلیمہ امتیاز نے کہا کہ 'یہ صرف میری جیت نہیں ہے بلکہ یہ پاکستان کی ہر خواہشمند خاتون کرکٹر اور امپائر کی جیت ہے۔
Replug ⏪
— Pakistan Cricket (@TheRealPCB) September 15, 2024
As we celebrate Saleema Imtiaz becoming Pakistan's first woman umpire on the ICC International Development Panel, let's recall the journey of the mother-daughter duo 🗣️@kainatimtiaz16 pic.twitter.com/TfutvumFMH
انھوں نے آگے کہا کہ مجھے امید ہے کہ میری کامیابی ان بے شمار خواتین کو متاثر کرے گی جو کھیلوں میں اپنی شناخت بنانے کا خواب دیکھتی ہیں۔ انہوں نے کرکٹ میں خواتین کے بڑھتے ہوئے کردار پر بھی زور دیا اور خواتین کھلاڑیوں اور آفیشلز کی حمایت کے لیے پی سی بی کے عزم کو سراہا۔
واضح رہے کہ سلیمہ امتیاز نے 2008 میں پی سی بی کے خواتین کے امپائر پینل میں شمولیت اختیار کی اور 2010 میں ان کی بیٹی کائنات امتیاز کے جنوبی افریقہ کے خلاف بین الاقوامی میں ڈیبیو کیا۔ کائنات نے پاکستان کے لیے اب تک 40 میچز کھیلے ہیں، جن میں 19 ایک روزہ اور 21 ٹی ٹوئنٹی انٹرنیشنل شامل ہیں۔
سلیمہ امتیاز نے مزید کہا کہ میرا خواب تھا کہ میں بین الاقوامی سطح پر اپنے ملک کی نمائندگی کروں گی۔ مجھے ایشین کرکٹ کونسل کے ساتھ مواقع ملے ہیں، لیکن اعلیٰ ترین سطح پر امپائرنگ ہمیشہ میرا آخری مقصد رہا ہے۔
انٹرنیشنل پینل میں سلیمہ امتیاز کا پہلا اسائنمٹ پیر سے ملتان میں شروع ہونے والی پاکستان اور جنوبی افریقہ کی خواتین ٹیموں کے درمیان تین میچوں کی ٹی ٹوئنٹی سیریز میں امپائرنگ کرنا ہوگا۔
